ރާއްޖޭގެ ގައުމީ ފުޓްސަލް ޓީމުން ސާފް ފުޓްސަލް ޗެމްޕިއަންޝިޕް ކާމިޔާބުކޮށްފައިވާތީ ފުޓްސަލް ޓީމަށާއި ސްރީލަންކާގައި ބޭއްވި ސުޕަ ކަޕްގެ ޗެންޕިއަންކަން ހޯދި ފުޓުބޯޅަ ޓީމަށް އެއް މިލިޔަން ރުފިޔާގެ ބޯނަހެއް ދިނުމަށް ރައީސް ޑރ. މުހައްމަދު މުއިއްޒު ނިންމަވައިފި އެވެ.

އެކަން ހާމަކުރެއްވީ ޕީއެސްއެމް ނިއުސްއަށް ދެއްވި އިންޓަވިއުއެއްގައި ސްޕޯޓްސް ފިޓްނަސް އެންޑް ރެކްރިއޭޝަން މިނިސްޓަރު އަބުދުﷲ ރާފިއު އެވެ. މިނިސްޓަރު ވިދާޅުވީ ރައީސް ނިންމަވާފައިވަނީ ހުރިހާ ކުޅުންތެރިންނާއި އޮފިޝަލުން ހިމެނޭ ގޮތަށް މުޅި ޓީމަށް އެ ބޯނަސް ދިނުމަށް ކަމަށެވެ.

ރާފިއު ވިދާޅުވީ އެ ބޯނަހަކީ ރައީސް މުއިއްޒު، މިދިޔަ އަހަރުގެ އޮކްޓޫބަރު މަހުގެ ދެވަނަ ދުވަހު ގައުމީ ޓީމާއެކު ސިޓްރޮން ރެސްޓޯރެންޓުގައި ބޭއްވެވި ބައްދަލުކުރެއްވުމެއްގައި ނިންމަވާފައިވާ ނިންމެވުމެއް ކަމަށެވެ. އަދި އެ ފައިސާ ކުޅުންތެރިންނާ ހަވާލުކުރަނީ ފުޓުބޯޅަ އެސޯސިއޭޝަން މެދުވެރިކޮށް ކަމަށް ވެސް ވިދާޅުވި އެވެ.

ސާފް ފުޓްސަލް ޗެމްޕިއަންޝިޕުގައި ބޫޓާން ބަލިކޮށް ރާއްޖެއިން ފުޓްސަލްގެ ތާރީހުގައި ފުރަތަމަ ބައިނަލްއަގްވާމީ ޓްރޮފީ ހޯދާފައިވެ އެވެ.

ސްރީލަންކާގައި މިދިޔަ އަހަރުގެ ސެޕްޓެމްބަރު މަހު ބޭއްވި ސުޕަ ކަޕް ރާއްޖޭގެ ގައުމީ ފުޓުބޯޅަ ޓީމުން ރާއްޖެއަށް ތަށި ގެނެސދީފައިވެ އެވެ.