މަރުކަޒީ ބޭންކު، އެމްއެމްއޭގެ ފައިނޭންޝަލް އިންވެސްޓިގޭޝަން ޔުނިޓު (އެފްއައިޔޫ)ގެ ވެރިޔާގެ މަގާމަށް މުހައްމަދު އިޝާން އައްޔަންކޮށްފި އެވެ.

މިކަމާ ގުޅިގެން އެމްއެމްއޭ އިން ބުނީ އެ މަގާމަށް އިޝާން އައްޔަނު ކުރީ އެ މަގާމަށް ކުރިމަތިލި މީހުންނާ އިންޓަވިއު ކުރުމަށް ފަހު ކަމަށެވެ. 

އިޝާނަކީ 2014 ވަނަ އަހަރުން ފެށިގެން އެމްއެމްއޭގައި މަސައްކަތްކުރައްވާ ޗާޓަޑް އެކައުންޓެންޓެކެވެ. އޭނާ އެ ތަނުގެ ހެޑް އޮފް ކޯޕަރޭޓް އެކައުންޓްސްގެ މަގާމާއި ހެޑް އޮފް ފައިނޭންސްގެ މަގާމު ފުރުއްވާފައިވެ އެވެ.އޭނާ އަކީ އިނގިރޭސިވިލާތުގެ ޗާޓާޑް އިންސްޓިޓިއުޓް އޮފް މެނޭޖްމަންޓް އެކައުންޓަންޓްސް (ސީއައިއެމްއޭ) ގެ އެސޯސިއޭޓް މެންބަރެއް ގެ އިތުރުން އިންސްޓިޓިއުޓް އޮފް ޗާޓާޑް އެކައުންޓަންޓްސް އޮފް ދަ މޯލްޑިވްސްގެ އެފިލިއޭޓް މެންބަރެކެވެ.

އެމްއެމްއޭގެ އެފްއައިޔޫ ގެ މަގާމަށް އިޝާން މިއަދު އައްޔަނު ކޮށްފައިވާއިރު މީގެ ކުރިން އެ މަގާމުގައި ހުރީ އިސްމާއިލް ސާޖިދެވެ. ސާޖިދު އެ މަގާމުން ވަކިކޮށްފައިވަނީ އޭނާގެ މައްޗަށް ޖިންސީ ފުރައްސާރައެއްގެ މައްސަލައެއް ސާބިތުވާ ކަމަށް ނިންމަ އެވެ.