އއ. ރަސްދޫގައި ކޮޓަރިއެއް ރޯވެ ދެ މީހަކު ފިހިއްޖެ އެވެ.

ކައުންސިލް ރައީސް މުހައްމަދު ނާހިދު 'ކުރިއަށް މީޑިއާ' އަށް ވިދާޅުވި ގޮތުގައި އަލިފާނުގެ ހާދިސާއެެއް ހިނގައިގެން ހަށިގަނޑު ކޮންމެ ވެސް ވަރަކަށް ފިހިގެން އަނިޔާވީ އަންހެނަކާއި ފިރިހެނަކަށެވެ.

މާލޭން ސްޕީޑް ލޯންޗެއް ގަޑިއިރެއް ތެރޭގައި ދެވޭ ރަސްދޫން އެ ދެ މީހުން ފަރުވާ ދިނުމަށް މާލެ ގެނައުމުގެ މަސައްކަތް ދަނީ ކުރަމުންނެވެ.

އަލިފާން ރޯވާން މެދުވެރިވި ސަބަބެއް އަދި ނޭނގޭ ކަމަށް ކައުންސިލް ރައީސް ވިދާޅުވި އެވެ. އަލިފާނުގެ ހާދިސާ ހިނގި ތަނަށް ލިބުނު ގެއްލުމުގެ ތަފްސީލެއް ވެސް އަދި ނުލިބެ އެވެ.