އއ. ރަސްދޫގެ ގެއެއްގެ ކޮޓަރިއެއްގައި ހިނގި އަލިފާނުގެ ހާދިސާގައި ފިހުނު ފިރިހެން މީހާ އިތުރު ފަރުވާއަށް އިންޑިއާއަށް ގެންގޮސްފިއެވެ. 

އެ ހާދިސާގައި ފިހުނީ އެ ރަށު އަލީ ސާމިން ނަމަކަށް ކިޔާ މީހެކެވެ. 

ސާމިންގެ އެކުވެރިޔަކު "ކުރިއަށް މީޑިއާ" އަށް މައުލޫމާތު ދެމުން މިއަދު ބުނީ، ސާމިން އިންޑިއާއަށް ގެންދިޔައީ އިއްޔެގެ ވަގުތެއްގައި ކަމަށާއި އޭނާއަށް ފަރުވާދެމުން އަންނަނީ އިންޑިއާގެ އެސްޓާ މެޑިސިޓީ ގެ އައިސީޔޫގައި ކަމަށެވެ.

"ހުން އަންނާތީ އަދި އިތުރު ފަރުވާއެއް ނުދޭ. ޑޮކްޓަރުން ބުނަނީ އިންފެކްޝަންގެ ސަބަބުންނޭ ހުން އަންނަނީ." އޭނާ ބުންޏެވެ.

ސާމިންގެ ހަށިގަނޑުގެ 70 ޕަސަންޓު ފިހިފައިވާއިރު، އޭނާގެ ހާލަތު މިހާރު މަޑުމަޑުން ރަނގަޅުވަމުން އަންނަ ކަމަށް އެކުވެރިޔާ ކިޔައިދިނެވެ.

"މިހާރު ވާހަކަ ދެއްކޭ. ހާލަތު މަޑުމަޑުން ރަނގަޅުވަމުން އަންނަނީ" އޭނާ ބުންޏެވެ. 

އއ. ރަސްދޫގެ ގެއެއްގެ ކޮޓަރިއެއްގައި ހިނގި އަލިފާނުގެ ހާދިސާގައި ފިހުނު އަންހެން މީހާއަށް އައިޖީއެމްއެޗުގައި ފަރުވާ ދެމުން ދަނިކޮށް މިދިޔަ މަހުގެ 31 ވަނަ ދުވަހު ވަނީ މަރުވެފައެވެ.

ރަސްދޫ ކޮޓަރިއެއްގައި އަލިފާނުގެ ހާދިސާ ހިނގަން މެދުވެރިވި ސަބަބު އަދިވެސް ސާފެއް ނޫނެވެ.

ފުލުުހުން އަންނަނީ މި މައްސަލަ ތަހުގީގުކުރަމުންނެވެ.

ސާމިންއަށް މި ވަގުތު ބޭނުންވަނީ ހެޔޮ ދުއާއާއި އާއްމުންގެ ދީލަތި އެހީއެވެ.

ބީއެމްއެލް ރުފިޔާ އެކައުންޓު: 7721540667101 ( ސައުދުﷲ އަހުމަދު (އަލީ ސާމިންގެ ބޭބެ) )

ބީއެމްއެލް ޑޮލަރު އެކައުންޓު: 7770000189381 ( ސައުދުﷲ އަހުމަދު (އަލީ ސާމިންގެ ބޭބެ) )

އިތުރު މައުލޫމާތު - 9128412