40 މީޑިއާއަކަށް ދައުލަތުން 27.2 މިލިއަން ރުފިޔާ ދޫކޮށްފި އެވެ.

މާލީ އެހީ ހޯދަން ގިނަ މީޑިއާތަކަކުން ކުރިމަތިލިއިރު ޝަރުތު ހަމަވީ 41 މީޑިއާއަކުންނެވެ. އެ ފަހުން މޯލްޑިވްސް މީޑިއާ އެންޑް ބްރޯޑްކާސްޓިން ކޮމިޝަނުން އެހީ ދޭން ކަނޑައެޅީ 40 މީޑިއާއަކަށެވެ.

ޔޫތު މިނިސްޓްރީން ބުނީ 40 މީޑިއާތަކަށް 27.29 މިލިއަން ރުފިޔާ ފިނޭންސް މިނިސްޓްރީ މެދުވެރިކޮށް ޖަމާކޮށް ދީފައިވާ ކަމަށެވެ.

މިނިސްޓްރީން ބުނީ، އެ އެހީ އަކީ އަމިއްލަ މީޑިއާތައް ބާރުވެރިކުރުވުމަށާއި ޒިންމާދާރު ނޫސްވެރިކަމެއް ކުރުމަށް މަގުފަހިކޮށްދިނުމަށް ދެވުނު އެހީއެއް ކަމަށެވެ.

40 މީޑިއާ އަކަށް ފައިސާ ދޫކޮށްފައިވާއިރު އެންމެ ފުރަތަަމަ މިދިޔަ އޮކްޓޫބަރު 29 ގައި ވަނީ ދައުލަތުގެ ބަޖެޓުން 18 މީޑީއާއަށް ޖުމުލަ 28 މިލިއަން ރުފިޔާ ދޫކުރާނެކަން އިއުލާނުކުރި އެވެ.