ސިޔާސީ މުހިއްމު ކަންތައްތަކެއް ހާމަކުރުމަށްޓަކައި ކުރީގެ ރައީސް އަބްދުﷲ ޔާމީންގެ ޕާޓީ، ޕީއެންއެފް އިން މި މަހުގެ 17 ވަނަ ދުވަހު ހާއްސަ ޖަލްސާއެއް ބާއްވަން ނިންމައިފި އެވެ. 

ޕީއެންއެފުން ބުނީ އެ ޕާޓީން ބާއްވާ އެ ހަރަކާތް ކުރިއަށް ގެންދާނީ "ރީސެޓު"ގެ ނަމުގަ އެވެ. 

އެ ޖަލްސާ އަންނަ ބުދަ ދުވަހުގެރޭ 08:30 ގައި އާޓިފިޝަލް ބީޗުގައި ބާއްވާއިރު، ޔާމީން ވާހަކަފުޅު ދައްކަވާނެ ކަމަށް ޕީއެންއެފުން މައުލޫމާތު ދީފައިވެ އެވެ.

ސަރުކާރުން ޒިންމާދާރު ކުރުމަށް ދާދި ފަހުންވެސް ޕީއެންއެފުން ވަނީ "ވޭކް އަޕް"ގެ ނަމުގައި ބޮޑު ހަރަކާތެއް ބާއްވާފަ އެވެ.

ޕީއެންފުން ބާއްވާ ޖަލްސާތަކުގައި ޔާމީން ގެންދަވަނީ ސަރުކާރަށް ވަރަށް ބޮޑަށް ފާޑުކިޔަމުންނެވެ.