އެމެރިކާ އާއި އިޒްރޭލު އީރާނަށް ދިން ހަމަލާއާ ގުޅިގެން މެދުއިރުމަތީގައި އުފެދިފައިވާ ހަމަނުޖެހުންތަކާ ގުޅިގެން މާދަމާ ވެލާނާ އިންޓަނޭޝަނަލް އެއާޕޯޓުން ފުރަންއޮތް 15 ފްލައިޓެއް ކެންސަލްކޮށްފި އެވެ. 

ރާއްޖޭގެ އޭވިއޭޝަންގެ ހަބަރުތައް ގެނެސްދޭ އެވިއޭޓާ މޯލްޑިވްސް އިން ބުނީ، އޭގެ ތެރޭގައި ހިމެނެނީ އެމިރޭޓްސް، ފްލައި ދުބާއީ، އިއްތިހާދު އެއާވޭސް، ގަތަރު އެއާވޭސް އަދި އެއާ އަރަބިއްޔާ ފްލައިޓްތައް ކަމަށެވެ. 

މާދަމަ އަށް 15 ފްލައިޓެއް ކެންސަލް ކޮށްފައިވާއިރު، ހޮނިހިރު ދުވަހު 9 ފްލައިޓް އަދި އާދިއްތަ ދުވަހު 19 ފްލައިޓް ކެންސަލް ކޮށްފައިވެ އެވެ.

ގަލްފުގެ ގިނަ ގައުމުތަކުގައި ވައިގެ ސަރަހައްދު ބަންދުކުރުމުން އެ ގައުމުތަކުގެ އެއާޕޯޓުތަކުގައި އެތައް ހާސް ފަސިންޖަރުންނެއް ވަނީ ތާށިވެފަ އެވެ. 

ހަނގުރާމައިގެ ސަބަބުން ރާއްޖެއަށް ދުވާލެއްގެ މައްޗަށް ފަތުރުވެރިން އަންނަ އަދަދު 50 އިންސައްތަ ދަށަށް ގޮސްފިއެވެ.