މާލޭގައި ވެހިކަލް ލިމިޓްކުރުމުގެ ސްޓާޑީޒްއެއް ހަދާފައިވާ ކަމަށާއި އެކަމާ ގުޅިގެން ޓްރާންސްޕޯޓް މިނިސްޓްރީން އަދި މިހާތަނަށް ޖަވާބެއް ދީފައިނުވާ ކަމަށް މާލޭގެ މޭޔަރު އާދަމް އާޒިމް ވިދާޅުވެއްޖެ އެވެ.

އާޒިމް ''އެކްސް'' ގައި ކުރި ޕޯސްޓެއްގައި ވިދާޅުވީ މާލެ ސިޓީ (މާލެ، ވިލިމާލެ، ހުޅުމާލެ) ގައި އެއްގަމު އުޅަނދު ރަޖިސްޓަރީ ކޮށްދޭނެ އަދަދާއި، އުޅަނދު ބޭނުންކުރެވޭނެ މުއްދަތު ކަނޑައެޅުމަށްޓަކައި އެސެސްމަންޓެއް ހަދައިދޭނެ ފަރާތެއް ހޯދުމަށް ޖުލައި 4. 2024 ގައި އިއުލާން ކުރެވުނު ކަމަށެވެ.

އެ މައުލޫމާތު އިތުރު ތަފްސީލު ހިއްސާކުރަމުން އާޒިމް ވިދާޅުވީ އެ އެސެސްމެންޓް ރިޕޯޓް އިސްލާމިކް ޔުނިވާރސިޓީން ނިންމައި ސިޓީ ކައުންސިލަށް ސަބްމިޓްކުރީ މި އަހަރުގެ މާޗު 3 ގައި ކަމަށެވެ.

އަދި ފައިނަލް ރިޕޯޓް ޓްރާންސްޕޯޓް އެންޑް ސިވިލްއޭވިއޭޝަނާއި މޭ މަހު ހިއްސާޚޮށް ރިޕޯޓު ފަބްލިކް ކޮމެންޓަށް ހުޅުވާލެވުނީ 9 އެޕްރީލް ގައި ހުޅުވާލި ކަމަށެވެ. 

މޭޔަރު ވިދާޅުވީ ވެހިކަލް ކެރީން ކެޕޭސިޓީ ސްޓޭކްހޯލްޑާ ކޮންސަލްޓޭޝަން 16 ޖުލައި ގައި މާލެ ސިޓީގެ ޓްރެފިކް މެނޭޖްކުރުމަށްޓަކައި ކައުންސިލުން މިދިޔަ އަހަރުން ފެށިގެން ވަނީ ގިނަ މަސައްކަތްތަކެއް ކުރަން ފަށާފައިވާ ކަމަށެވެ.

އެގޮތުން މިއަހަރު އެކުލަވާލެވުނު މާލެ ސިޓީ ވެހިކަލް ކެރީންގ ކެޕޭސިޓީ ސްޓަޑީ ވަނީ މިނިސްޓްރީ އާއި ހިއްސާކުރެވިފައި ކަމަށެވެ.

ނަމަވެސް މިއަހަރުގެ މިހާތަނަށް އައި އިރުވެސް މިނިސްޓްރީގެ ފަރާތުން އެ ކަމާގުޅޭގޮތުން އެއްވެސް ޖަވާބެއް ލިބިފައި ނުވޭ އާޒިމް ވިދާޅުވި އެވެ.

ވެހިކަލް ލިމިޓްކުރުމުގެ ސްޓަޑީޒްއަށް މިނިސްޓްރީގެ ޖަވާބެއް ނުލިބޭ: އާޒިމް