މާލޭގެ މާފަންނުގައި ހުންނަ ފިހާރައެއްގެ ސޭޓަކަށް ވަޅިން ބިރުދެއްކުމަށް ފަހު ފޭރިއްޖެއެވެ.

ފުލުހުން ބުނީ އިއްޔެ ހެނދުނު 9:25 ހާއިރު މާފަންނު ގައި ހުންނަ ފިހާރައަކަށް ދެ މީހަކު ވަދެ އެ ތަނުގެ ސޭޓަކަށް އިން ބިދޭސީ މީހާއަށް ތޫނު އެއްޗަކުން ބިރުދެއްކުމަށްފަހު ފޭރުނު މައްސަލައެއް ފުލުހުންގެ އިދާރާއަށް ހުށަހަޅާފައިވާ ކަމަށެވެ. 

ފިހާރައަށް ވަތް މީހުން ފޭރުނު ތަކެތީގެ ތެރޭގައި ފައިސާ އާއި ސިނގިރޭޓު އަދި އެ ފިހާރައިގައި ހުރި އެހެނިހެން ތަކެތިވެސް ހިމެނޭކަަމަށް ފުލުހުންގެ ބުންޏެވެ.

ފުލުހުން އަންނަނީ މި މައްސަލަ އިތުރަށް ތަހުގީގުކުރަމުންނެވެ. 

މާލޭ ސަރަހައްދުގައި ވައްކަމާއި ފޭރުމުގެ މައްސަލަތައް އިތުރުވެފައިވާ ކަމަށް ފުލުހުންގެ ތަފާސްހިސާބުތަކުން ދައްކައެވެ. އެ ގޮތުން މިދިޔަ އަހަރުގެ ޑިސެމްބަރުމަހު އެކަނިވެސް ވައްކަމުގެ 310 މައްސަލައެއް ފުލުހުންނަށް ހުށަހަޅާފައިވެއެވެ.