ވައިގެ މަގުން ރާއްޖެ އެތެރެކުރަން އުޅުނު އެއް ކިލޯގެ މަސްތުވާތަކެތި ކަސްޓަމްސްއިން އަތުލައިގަނެފިއެވެ. 

މޯލްޑިވްސް ކަސްޓަމްސް އިން ބުނީ މަސްތުވާތަކެތި ފެނުނީ ރޭ ދަންވަރު ވައިގެމަގުން ތައިލެންޑުން ރާއްޖެ ގެނައި ޖެނެރަލް ގުޑްސް ޝިޕްމެންޓަކުން ކަމަށެވެ.

އެ ޝިޕްމަންޓުގައި މަސްތުވާތަކެތި ހުރި ކަމަށް ޝައްކު ކުރެވިގެން އިތުރަށް ބަލާ ފާސްކުރުމުގެ ތެރޭގައި މަސްތުވާތަކެތީގެ ބާވަތެއްކަމުގައިވާ "ކެނަބިސް" ހުރި 20 ޕެކެޓު ފެނިފައިވާ ކަމަށް ކަސްޓަމްސްއިން ބުންޞެވެ. 

އެ ތަކެތީގެ ބަރުދަނުގައި 1097 ގްރާމް ހުރިއިރު މި ތަކެތީގެ މަގުމަތީ އަގަކީ ގާތްގަނޑަކަށް 877،600 ރުފިޔާ ކަމަށް ކަސްޓަމްސްއިން ބުންޏެވެ.

ކަސްޓަމްސްއިން ވަނީ އަތުލައިގަތް މަސްތުވާތަކެތި ފުލުހުންނާ ހަވާލުކޮށްފައެވެ.