އާދިއްތަ ދުވަހު މެލޭޝިއާއިން ގެއްލުނު ދިވެހި މީހާ އަހުމަދު އުސައިދު އިބްރާހީމް މިހާރު ހުރީ ފުލުހުންގެ ބެލުމުގެ ދަށުގައި ކަމަށް އާއިލާއިން މިއަދު ބުނެފިއެވެ.

އުސެއިދު ގެއްލިގެން ހޯދަންފެށީ 2މާރިޗު2025 ވީ އާދިއްތަ ދުވަހުގެ 15:00 ގައެވެ. އަދި އެދުވަހުގެ އެވަގުތުން ފަށައިގެން މެލޭޝިއާގައި ހުންނަ ރާއްޖޭގެ އެމްބަސީ އާއި މެލޭޝިއާގެ ކަމާއިބެހޭ ފަރާތްތަކުން އުސެއިދު ހޯދަން ފަށާފައި ވެއެވެ.

އުސައިދުގެ ބައްޕަ އަފީފް ކުރި ފޭސްބުކް ޕޯސްޓެއްގައި ވާގޮތުން އުސައިދު ހޯދުމަށް ކުރި މަސައްކަތުން ސީސީޓީވީ ފުޓޭޖް ތަކުންނާއި ބައެއް އާންމުންގެ މަޢުލޫމާތުން އުސައިދު އެދުވަހު އެމްބަސީއަށް 4 ޖެހި އިރު ގޮސްފައިވާކަން އެނގިފައިވެއެވެ.

ގެއްލުނު ދުވަހަކީ ބަންދު ދުވަހަކަށް ވުމުން އެމްބަސީން މީހަކާއި ބައްދަލު ވާގޮތެއް ނުވުމުން ގަޑިއިރެއްހާއިރު އެތާ ހުރުމަށްފަހު އުސެއިދު ނުކުމެގެން ދިޔައީއެވެ. ދިޔައިރު ވޮލެޓާއި ކާޑު އެތާ ބޭއްވިފައި އޮތްކަމަށްވެސް އުސެއިދުގެ ބައްޕަ ބުނެފައިވެއެވެ. އަދި އެމްބަސީން އުސެއިދުގެ ވޮލެޓާއި ކާޑު ހަވާލުކޮށްފައިވަނީ އިއްޔެ ކަމަށާއި، ނަމަވެސް އިއްޔެ އާއި ހަމަޔަށްވެސް އުސެއިދުގެ ހަބަރެއް ވެފައި ނުވާކަމަށްވެސް އަފީފްގެ ފޭސްބުކް ޕޯސްޓްގައި ވެއެވެ.

ނަމަވެސް  އެދުވަހަކީ ބަންދު ދުވަހަކަށް ވާތީ  އެމްބަސީގެ މީހަކާ ބައްދަލުވާ ގޮތެއް ނުވުމުން އެތަނުގައި ގަޑިއިރެއްހާއިރު މަޑުކޮށްފައި ނުކުމެގެން ދިޔަ އިރު އުސެއިދުގެ ވޮލެޓާއި، ސްޓޫޑެންޓް ކާޑު  ވަނީ ބޭއްވިފަ.. 

 

މިއާއިއެކު މިއަދު މެލޭޝިއާގެ ފުލުހުންގެ ބެލުމުގެ ދަށުގައި އުސެއިދު ހުރިކަމަށް މަޢުލޫމާތު ލިބިގެން އުސެއިދުގެ ބައްޕަ( ބ.އަތޮޅު ދާއިރާގެ މެމްބަރު އިބްރާހީމް އަފީފް) އާއި އާއިލާ ގެ މެމްބަރުން މިއަދު ވަނީ ހާޒިރުވެފައެވެ.