މެންޗެސްޓާ ޔުނައިޓެޑުން ބޭނުންނުވެގެން އެ ޓީމުން ފޮނުވާލި މާކޮސް ރަޝްފޯޑް ވޯލްޑްކަޕް ކޮލިފައިންއަށް  އިނގިރޭސި ގައުމީ ޓީމަށް ނަގައިފިއެވެ.

މިއަހަރުގެ ޖެނުއަރީ ޓްރާންސްފާ މާކެޓުގައި ރަޝްފޯޑް ވަނީ ޔުނައިޓެޑު ދޫކޮށް ލޯނު އުސޫލުން އެސްޓަން ވިލާއަށް ސޮއިކޮށްފައެވެ. 

އެސްޓަންވިލާއަަށް ބަދަލުވެ ޔުނައިޓެޑު ސްކޮޑުން ބާކީވެ ގިނަ ދުވަސްތަކެއް ވަންދެން ކުޅުމުގައި ބައިވެރިނުވެ ހުރި ރަޝްފޯޑް ވަނީ މޮޅު ކުޅުމެއް ދައްކައިފައެވެ.

އުމުރުން 27 އަހަރުގެ ރަޝްފޯޑަކީ ޔުނައިޓެޑު ޒުވާން ޓީމުން ކުޅެންފެށި ކުޅުންތެރިއެކެވެ. އޭނާ ވަނީ 2015 ވަނަ އަހަރުން ފެށިގެން 287 މެޗު ކުޅެ 87 ގޯލު ޖަހައިފައެވެ. ނަމަވެސް ރަޝްފޯޑުގެ ކުޅުން ދަށްކަމަށް ބުނެ އިޓީމުން ވަނީ އޭނާ ބާކީކޮށް ކުރިއަށް ކުޅޭނެ ގިނަ ކުޅުންތެރިންތަކެއް ހޯދައިފައެވެ.

އިނގިރޭސި ގައުމީ ޓީމާ އަލަށް ހަވާލުވި ތޯމަސް ޓުޗެލްގެ ފުރަތަމަ ސްކޮޑުން ޖާގަލިބުން ކުޅުންތެރިންގެ ތެރޭގައި ހިމެނެނީ،

ކީޕަރުން:

ޑީން ހެންޑަސަން، ޖޯޑަން ޕިކްފޯޑް، އާރޮން ރަމްސްޑޭލް، ޖޭމްސް ޓްރެފޯޑް

ޑިފެންޑަރުން؛

ޑެން ބާން، ލެވި ކޮލްވިލް، މާކް ގުއެހި، ރީމްސް ޖޭމްސް، އެޒްރި ކޮންސާ، މައިލްސް ލެވިސް ސްކެލީ، ޓީނޯ ލިވްރެމެންޓޯ، ކައިލް ވޯކާ

މިޑްފީލްޑަރުން:

ޖޫޑް ބެލިންހަމް، އެބްރެޗީ އެޒޭ، ޖޯޑަން ހެންޑަސަން، ކުޓިސް ޖޯންސް، ކޯލް ޕާމާ، ޑެކްލަން ރައިސް، މޯގަން ރޯޖާސް

ފޯވާޑުން:

ޖެރޮޑް ބޮވެން، ފިލް ފޯޑެން، އެންތޮނީ ގޯޑެން، ހެރީ ކޭން، މާކުސް ރަޝްފޯޑް، ޑޮމިނެކް ސޮލަންކޭ