ހިއުންޑާއި ގޯލްޑަން ފުޓްސަލް ޗެލެންޖް 2026 ގެ ފައިނަލުގައި ފަހަތުން އަރައި ގއ. ދެއްވަދޫ ބަލިކޮށް، ހދ. ނައިވާދޫން މުބާރާތުގެ ޗެމްޕިއަންކަން ހޯދައިފި އެވެ.

މިއީ ގޯލްޑަން ފުޓްސަލް ޗެލެންޖުގެ ފައިނަލަކަށް ދެއްވަދޫން ފުރަތަމަ ފަހަރަށް ނުކުތް ފަހަރެވެ. ނައިވާދޫން ވަނީ މިދިޔަ އަހަރުގެ ފައިނަލުގައި ކުޅެފައެވެ. މިދިޔަ އަހަރުގެ ފައިނަލުގައި ނައިވާދޫ ބަލިވީ ކ. ކާށިދޫ އަތުންނެވެ.

ނައިވާދޫ އިން ޗެމްޕިއަންކަން ހޯދީ 9-3 ގެ ނަތިއްޖާއިންނެވެ.

އެ ޓީމަށް، ވާދައިގެ ތައްޓާއި، މެޑަލް އަދި ފައިސާގެ އިނާމު ހަވާލުކޮށްދެއްވާފައިވަނީ ނައިބް ރައީސް ހުސެއިން މުހައްމަދު ލަތީފެވެ. އެމަނިކުފާނު ވަނީ، މުބާރާތުގެ އެންމެ މޮޅު ކުޅުންތެރިޔާއަށް ތާޖުވެސް ހަވާލުކޮށްދެއްވާފައެވެ. 

ފުޓްސަލް ކިންގްގެ މަގާމު ލިބުނީ ޔާންޓެ އަށް ލިބުނުއިރު ގަދަ ފަހެއްގައި ހިމެނެނީ، ނައިވާދޫގެ ޔާންޓެ އާއި އައްމަޑޭގެ އިތުރުން، ދެއްވަދޫގެ އަލީ ހަަައިޝަމް (ޗުމްޕު) އާއި އއ. މަތިވެރީގެ އަލީ އަލްސަން އަދި ރ. ދުވާފަރުގެ މުހައްމަދު އިސާމް (ޝަންޓެ) އެވެ.

އެންމެ މޮޅު ގޯލްކީޕަރުގެ މަގާމު ހޯދީ އޭދަފުށީގެ އަބްދުﷲ ނާސިހު އެވެ. އެންމެ އުންމީދީ ކުޅުންތެރިއަކީ ތިމަރަފުށީގެ ސާއިފް އަލީ އެވެ. އެންމެ ގިނަ ގޯލު ޖެހީ، 13 ލަނޑު ޖެހި ށ. ކަނޑިތީމުގެ ރައުލް ނިޔާޒް އެވެ.