ކުޅިވަރު ވުޒާރާ އިން ދޭ ސްޕޯޓްސް އެވޯޑްސްއަށް ރައީސް ޑރ. މުހައްމަދު މުއިއްޒުގެ ދަރިކަލުން އުމައިރު މުހައްމަދު މުއިއްޒު ނޯމިނޭޓްވެއްޖެ އެވެ. 

އުމައިރު ނޮމިނޭޓް ވަނީ ޒުވާން ކުޅުންތެރިޔާގެ އެވޯޑަށެވެ. އޭނާގެ ނަން ހިމެނީ ޓޭބަލް ޓެނިސް އެސޯސިއޭޝަންގެ ފަރާތުން ޓޭބަލް ޓެނިސް ކުޅުންތެރިއެއް ގޮތަށެވެ. 

އުމައިރު މިފަހުން ނިއު ރޭޑިއަންޓް އާ ގުޅެ ފުޓުބޯޅަ ކެރިއަރު ވެސް ފަށާފައިވެ އެވެ. އޭގެ ކުރިން ފީފާގެ ރައީސް އިންފަންޓީނޯ ރާއްޖެ އައިސް ކުލުނު އެކުވެރިކަމުގެ މެޗުގައި ރައީސް މުއިއްޒުގެ ޓީމަށް އުމައިރު ކުޅުނެވެ. 

ޒުވާން އެންމެ މޮޅު ކުޅުންތެރިޔާގެ އެވޯޑަށް އުމައިރުގެ އިތުރުން ނޮމިނޭޓްވެފައިވަނީ:

• ޓޭބަލް ޓެނިސް އެސޯސިއޭޝަންގެ ފަރާތުން ޒީކް ހަސަން ލަތީފް
• ބޮޑީބިލްޑިން އެސޯސިއޭޝަންގެ ފަރާތުން އައިން އަހުމަދު
• ސްވިމިން އެސޯސިއޭޝަންގެ ފަރާތުން މުހައްމަދު ރީހާން ޝިހާމް
• ބޮޑީބިލްޑިން އެސޯސިއޭޝަންގެ ފަރާތުން މުހައްމަދު އަޒާން އަހުމަދު