ޕެންތަރސް ޓްރިޕްލް ތްރެޓް 2026 މިއަދު ފަށަނީ

އއ. މަތިވެރީގައި ކުރިއަށްގެންދިއުމަށް ހަމަޖެހިފައިވާ ޕެންތަރސް ޓްރިޕްލް ތްރެޓް 2026، 3 އޮން 3 މުބާރާތް މިރޭ ފަށަން ތައްޔާރުވެއްޖެއެވެ.
މިރެއިން ފެށިގެން 4 ދުވަހުވަހުގެ މުއްދަތަށް ކުރިއަށްގެންދިއުމަށް ހަމަޖެހިފައިވާ މި މުބާރާތުގައި މި އަހަރު 15 ޓީމަކުން ވަނީ ބައިވެރިވެފައެވެ.
މީގެ ތެރޭގައި ހިމެނެނީ، މީނާޒް، މިނޯރިއާ، މިނޯރިއާ ގްލޯރިއާ، މިނޯރިއާ ވިކްޓޯރިއާ، ފެންޓަމް، ފެންޓަމް ވޯރިއަރޒް، ބީ22، ގުލްޒާރް، ހައިޓައިޑް، ނޯ މަރސީ، މޮއާނާ އެޑްވެންޗަރޒް، ޓީމް ނޯނޭމް، ނިރޮޅު ބޯއީޒް، ފައިވް ޕްލަސް އަދި ވޯޓަރކްލައުޑްއެވެ. 
ކޮންމެ ރެއަކު މެޗުތައް ކުޅުމަށް ހަމަޖެހިފައިވާ މި މުބާރާތް ކުޅުމަށް ހަމަޖެހިފައިވަނީ ގްރޫޕް ސްޓޭޖުގައި ވާދަކޮށް، ކޮންމެ ގްރޫޕެއްގެ އެންމެ މޮޅު ދެޓީމު ކުރިއަށްދާގޮތަށެވެ.
މި މުބާރާތުން އެއްވަނައަށްދާ ޓީމަށް 3000 ރުފިޔާގެ އިނާމެއް ކަނޑައަޅާފައިވާއިރު ރަނަރއަޕް ޓީމަށް 1000 ރުފިޔާގެ އިނާމެއް ވަނީ ކަނޑައަޅާފައެވެ.