ރާއްޖޭގައި ބާއްވާ 20 އަހަރުން ދަށުގެ ސާފް ޗެމްޕިއަންޝިޕްގެ މެޗުތަކުގެ ތާވަލު ނެރެފި އެވެ. 

މުބާރާތުގައި ފުރަތަމަ އޮންނާނީ ގްރޫޕް ސްޓޭޖުވެ. 7 ޓީމު ބައިވެރިވާ މުބާރާތުގައި ދެ ގްރޫޕަކަށް ޓީމުތަކަށް ބަހާލާފައިވެ އެވެ.

ރާއްޖެ ހިމެނެނީ ހަތަރު ޓީމު ހިމެނޭ ގްރޫޕް އޭގަ އެވެ. ދެން އެ ގްރޫޕުގައި ހިމެނެނީ ބޫޓާން، ސްރީލަންކާ، އަދި ނޭޕާލް އެވެ. 

ގްރޫޕް ބީގައި ހިމެނެނީ ތިން ޓީމެކެވެ. އެއީ އިންޑިއާ، ޕާކިސްތާނު، އަދި ބަންގްލަދޭޝް އެވެ. 

ކޮންމެ ގްރޫޕަކުން ވެސް އެންމެ ގިނަ ޕޮއިންޓް ލިބޭ ދެ ޓީމެއް ސެމީގެ ޖާގަ ލިބިގެން ދާނެ އެވެ.

މެޗުތަކުގެ ތާވަލު:

• ނޭޕާލް ވ. ބޫޓާން - 23 މާޗު ހަވީރު 3:45
• ރާއްޖެ ވ. ސްރީލަންކާ - 23 މާޗު ރޭގަނޑު 8:30
• ޕާކިސްތާނު ވ. ބަންގްލަދޭޝް - 24 މާޗު ހަވީރު 3:45
• ސްރީލަންކާ ވ. ނޭޕާލް - 25 މާޗު ހަވީރު 3:45
• ރާއްޖެ ވ. ބޫޓާން - 25 މާޗު ރޭގަނޑު 8:30
• އިންޑިއާ ވ. ޕާކިސްތާން - 26 މާޗު ހަވީރު 3:45
• ރާއްޖެ ވ. ނޭޕާލް - 27 މާޗު ހަވީރު 3:45
• ބޫޓާން ވ. ސްރީލަންކާ - 27 މާޗު ރޭގަނޑު 8:30
• ބަންގްލަދޭޝް ވ. އިންޑިއާ - 28 މާޗު ހަވީރު 3:45
• ސެމީ ފައިނަލްގެ ފުރަތަމަ މެޗު - 1 އޭޕްރީލް ހަވީރު 3:45
• ސެމީ ފައިނަލްގެ ދެވަނަ މެޗު - 1 އޭޕްރީލް ރޭގަނޑު 8:30
• ފައިނަލް މެޗު - 3 އޭޕްރީލްގެ ރޭގަނޑު 8:00

20 އަހަރުން ދަށުގެ ސާފް ޗެމްޕިއަންޝިޕްގައި ވެސް އެންމެ ކާމިޔާބު ޓީމަކީ އިންޑިއާ އެވެ. އިންޑިއާއިން ހަތަރު ފަހަރު މުބާރާތް ކާމިޔާބުކުރި އެވެ. ނޭޕާލް ދެ ފަހަރު އަދި ބަންގްލަދޭޝް އެއް ފަހަރު ކާމިޔާބުކޮށްފަ އެވެ. 

މިއީ މި މުބާރާތް ރާއްޖޭގައި ބާއްވާ ފުރަތަމަ ފަހަރު ކަމަށްވާއިރު މިހާތަނަށް ރާއްޖެއަށް މުބާރާތް ކާމިޔާބުކުރެވިފައެއް ނުވެ އެވެ.