ޓިއުނީޝިއާގެ މިނިވަން ދުވަހުގެ މުނާސަބަތުގައި ދުވަހުގެ ތަހުނިޔާ އާއި ހެޔޮއެދުންތައް އެ ގައުމުގެ ރައީސް، ޤައިސް ސައީދާއި ބޮޑުވަޒީރު، ކަމާލް މަދަވްވަރީއަށް ރައީސުލްޖުމްހޫރިއްޔާ ޑރ.މުއިއްޒު އެ މަނިކުފާނާ ދިވެހި ސަރުކާރާއި ދިވެހި ލޮބުވެތި ރައްޔިތުންގެ ނަމުގައި ފޮނުވައިފިއެވެ. 

ޓިއުނީޝިއާގެ ރައީސަށާއި ބޮޑުވަޒީރަށް ރައީސް ޑރ. މުއިއްޒު ވަނީ ވަކިވަކިން ތަހުނިޔާގެ މެސެޖު ފޮނުއްވާފައެވެ. މިގޮތުން ފޮނުއްވި ތަހުނިޔާގެ މެސެޖުގައި އެ ދެ ބޭފުޅުންނަށްވެސް ދުޅަހެޔޮސިއްހަތާއި އުފާ ފާގަތިކަމަށް އެދިވަޑައިގެންފައިވެއެވެ. މީގެ އިތުރުން ރައީސްގެ ސިޓީފުޅުގައި ޓިއުނީސިއާގެ ރައްޔިތުންނަށް އަމާންކަމާއި ކުރިއެރުމާއި ފާގަތިކަމަށް އެދިވަޑައިގެންފައިވެއެވެ. 

ޓިއުނީސިއާގެ ރައްޔިތުން މިނިވަން ދުވަހުގެ ގޮތުގައި މި ދުވަސް ފާހަގަކުރަނީ  1956 ވަނަ އަހަރު އެ ގައުމަށް މިނިވަންކަން ލިބުނު ދުވަހާ ގުޅުވައިގެންނެވެ. 

ޓިއުނީސިއާ އަކީ މަޢްރިބް ކަރައަށް ނިސްބަތްވާ ގައުމެކެވެ. ރާއްޖެ އާއި ޓިއުނީސިއާއި ދެ ގައުމު ދޭތެރޭ ރަހުމަތްތެރިކަމުގެ ގުޅުން އުފެދިގެން އައީ 1983 ވަނަ އަހަރުއެވެ. އަދި މިހާރު ދެ ގައުމު ދޭތެރޭ މަސްވެރިކަމާއި އެގްރިކަލްޗަރަލް ގުޅުންތަކުގެ އިތުރުން މި ފަހުން ޓޫރިޒަމް ދާއިރާއިންވެސް ވަނީ ގުޅުން ބަދަހި ކޮށްފައެވެ.