އެމެރިކާގެ ކުރީގެ ރައީސް ޑޮނަލްޑް ޓްރަމްޕް ވަނީ ހަމާސް އަދި ފަލަސްތީނުގެ މީހުންނަށް އަމާޒުކޮށް އިތުރު އިންޒާރެއް ދެއްވައިފިއެވެ. މިގޮތުން އޭނާ ވިދާޅުވެފައިވަނީ ހަމާސްއިން ހިފަހައްޓާފައި ތިބި ރަހީނުން އަވަހަށް ދޫކޮށްނުލައިފިނަމަ "ނަރަކަ" އާ ކުރިމަތިލާން ޖެހޭނެ ކަމަށެވެ.

އޭނާގެ ސޯޝަލް މީޑިއާ ޕްލެޓްފޯމް "ޓްރޫތް ސޯޝަލް" ގައި ކުރެއްވި ޕޯސްޓެއްގައި، ހަމާސްއަށް މުޚާތަބުކޮށް ވިދާޅުވެފައިވަނީ "ޝަލޯމް ހަމާސް" މާނައަކީ ހެލޯ އަދި ގުޑްބައި ކަމަށާއި، މިހާރުން މިހާރަށް ހުރިހާ ރަހީނުން ދޫކޮށްލުމަށާއި، އަދި މަރާލެވުނު މީހުންގެ ހަށިގަނޑުތައް އަނބުރާ ރައްދުކުރުމަށެވެ.

ބަލިމަޑުކަމާއި އަނިޔާވެރި މީހުން އެކަނި ހަށިގަނޑުތައް ބަހައްޓަނީ، އަދި ތިޔަބައިމީހުންނަކީ ބަލިމަޑު އަދި އަނިޔާވެރި ބައެކެވެ!

 މިހެން ވިދާޅުވަމުން، އިސްރާއީލަށް މި މަސައްކަތް ނިންމުމަށް ބޭނުންވާ ހުރިހާ އެއްޗެއް ފޮނުވާނެ ކަމަށް ޓްރަމްޕް ވިދާޅުވިއެވެ.

ޣައްޒާގެ ރައްޔިތުންނަށް އަމާޒުކޮށް ޓްރަމްޕް ވިދާޅުވެފައިވަނީ ރީތި މުސްތަޤުބަލެއް އޮތް ކަމަށާއި، ނަމަވެސް އެއީ ރަހީނުން ހިފަހައްޓައިގެން ނޫން ކަމަށެވެ. އަދި ރަހީނުން ދޫކޮށްނުލައިފިނަމަ "ނަރަކައިގެ އަގު އަދާކުރަން ޖެހޭނެ" ކަމަށް އިންޒާރު ދެއްވިއެވެ.

ފާހަގަކޮށްލެވޭ ކަމަކީ މި އިންޒާރުތައް ދެއްވާފައިވަނީ ކުރިން ދޫކޮށްލެވުނު ރަހީނުންނާ ބައްދަލުކުރެއްވުމަށްފަހުގައި ކަމެވެ. އަދި މީގެ ކުރިންވެސް ޓްރަމްޕް ވަނީ ހަމާސްއަށް މިފަދަ އެކި އިންޒާރުތައް ދެއްވާފައެވެ.