ރާއްޖެ އާއި ފަލަސްތީނުން ކުޅުނު އެކުވެރިކަމުގެ މެޗުތަކަށް ވިއްކި ސްވެނިއާ ޓިކެޓު ތަކުން ލިބުނު ފައިސާ ރަސްމީކޮށް ފަލަސްތީނު ޓީމާއި ރަސްމީކޮށް ހަވާލުކޮށްފި އެވެ.

އެފްއޭއެމް އިން ހާމަ ކުރި ގޮތުގައި އެ މެޗުތަކަށް ވިއްކި ސްވެނިއާ ޓްކެޓުތަކުން 300,000 ރުފިޔާ ލިބިފައިވެއެވެ. އެއީ 19,455.25 ޑޮލަރެވެ. މި ފައިސާ އެ ޓީމާއި ހަވާލުކޮށްފައިވަނީ އެ ކަމަށް ހާއްސަކޮށް ކުރިއަށް ގެންދިޔަ ރަސްމިއްޔާތުގައެވެ. މިރަސްމިއްޔާތުގައި ވަނީ އެކަމާއި ގުޅޭ ރަމްޒީ ލިޔުން އެ ޓީމާއި ހަވާލުކޮށްފައެވެ.

ފަލަސްތީނުގެ 17 އަހަރުން ދަށުގެ ޓީމު ރާއްޖެ އައީ މި މަހުގެ 10 ވަނަ ދުވަހުގައެވެ. އެ ޓީމުން ރާއްޖެ އައީ އޭޝިއަން ކަޕް ކޮލިފައިންގައި އެ ޓީމުން ކުޅުން ޖެހޭ މެޗުގެ ފަރިތަކުރުންތަކަށެވެ. މި ޒިޔާރަތުގައި އެ ޓީމުން ވަނީ ރާއްޖޭގެ 17 އަހަރުން ދަށުގެ ޓީމާއެކު އެކުވެރި ކަމުގެ މެޗުތަކަށް ކުޅެފަ އެވެ.

މި މެޗުތަކުގެ ސްވެނިއާ ޓިކެޓް ރައީސް ޑރ. މުހައްމަދު މުއިއްޒު އަދި ނައިބު ރައީސް ވެސް ބައްލަވައިގަނެފައިވެއެވެ