ސިފިލިސްއަކީ ޖަރާސީމަކުން ޖެހޭ، ޖިންސީގުޅުމުން ފެތުރޭ ގައިންގަޔަށްއަރާ ބައްޔެކެވެ. ސިފިލިސްއަކީ، އަވަހަށް ފަރުވާ ނުކުރެއްވިއްޖެ ނަމަމަ އޭގެ ސަބަބުން ނާރުތަކާއި ސިކުނޑިއަށް އަސަރުކޮށް، ހަށިގަނޑަށް ބޮޑެތި ގެއްލުންތައް ކުރިމަތިކުރުވާނެ ނުރައްކާތެރި ބައްޔެކެވެ

ތަފާސްހިސާބުތައް ދައްކާ ގޮތުގައި ސިފިލިސް ޖެހޭ ފިރިހެނުންގެ އަދަދު އަންހެނުންނަށް ވުރެ އިތުރެވެ.

ސިފިލިސް ޖެހޭ ސަބަބު:

ސިފިލިސް ޖެހެނީ ސްޕައިރަކީޓް ގެ ވައްތަރެއްކަމަށްވާ ''ޓްރެޕޮނީމާ ޕެލީޑަމް ކިޔާ ކުޑަކުޑަ ޖަރާސީމެއްގެ ސަބަބުންނެވެ. ސިފިލިސް އެ ޖަރާސީމްގެ ސަބަބުން ހަށިގަނޑު ގައި އިންފެކްޓްވުމުންނެވެ. 

ސިިފިލިސް ޖައްސާ ޖަރާސީމް ހަށިގަނޑަށް ވަންނަނީ ކަރުތެރެ، ނޭފަތް، ފުރަގަސްފަރާތް، އަދި ފަރުޖުގައި ހުންނަ ތެތް ދުލިފަށަލަތައް ހުރަސްކޮށެވެ. މި ޖަރާސީމު ހަށިގަނޑަށް ވަތް ހިސާބުގައި ފުރަތަމަ ފާރުކޮޅެއް އުފެދުމުގެ ކުރިން ލޭގެ ޒަރީއާއިން މުޅި ހަށިގަނޑުގައި މި ޖަރާސީމު ދައުރުވެ ފެތުރިގެން ދެއެވެ.

ސިފިލިސް ޖެހޭގޮތް

• ބަލި ޖައްސާ ޖަރާސީމު ހުރި ފާރުކޮޅެއްގައި ނުވަތަ ދިޔައެއްގައި ބީހުން
• ބަލިޖެހިފައިވާ މައިމީހާގެ ފަރާތުން ކުޑަ ދަރިފުޅަށް ސިފިލިސް ޖެހުން 
• ބަލިޖެހިފައިވާ މީހަކާއެކު އެއްވެސް ސިފައެއްގައި ޖިންސީ ގުޅުން ހިންގުން
• ބަލިޖެހިފައިވާ މީހެއްގެ ގައިން ލޭއެޅުން 

ސިފިލިސް ޖެހުމުގެ ފުރުސަތު ބޮޑު ފަރާތްތައް

• ބައިވަރު މީހުންނާއެކު ޖިންސީގުޅުން ހިންގާ މީހަކާއެކު ޖިންސީގުޅުންހިންގުން
• ހަށިވިއްކުން
• ރައްކާތެރި ނޫންގޮތުގައި ޖިންސީގުޅުން ހިންގުން
• ގިނަ މީހުންނާއެކު ޖިންސީގުޅުން ހިންގުން
• ސިފިލިސް ޖެހިފައިވާ މީހަކާއެކު ޖިންސީގުޅުން ހިންގުން