އިރާނު ހަނގުރާމައާ ގުޅިގެން ދުނިޔޭގެ ބާޒާރުގައި ތެލުގެ އަގަށް އަންނަ ބަދަލުތަކުގެ ސަބަބުން އެސްޓީއޯ އިން ވިއްކާ ތެލުގެ އަގު ބޮޑުކުރުމަށް އެ ކުންފުނިން ނިންމައިފި އެވެ.

އެފްއެސްއެމްގެ ޝެޑުތަކުން ދެން ތެޔޮ ލިބޭނެ އާ އަގުތަކަކީ، ޕެޓްރޯލް ލީޓަރެއް 16.01ރ. (ކުރިން 13.50ރ.) އަދި ޑީސަލް ލީޓަރެއް 17.54ރ. (ކުރިން 13.92)

މިއީ މާޗު 2020 އިން ފެށިގެން ޑީސަލްގެ އަގު އެންމެ ބޮޑުވި ފަހަރެވެ.

މީގެ ކުރިން ތެލުގެ އަގު އެންމެ މައްޗަށް އުފުލުނީ ރަޝިއާ-ޔޫކްރޭން އަނގުރާމައާ ގުޅިގެން ދުނިޔޭގެ ބާޒާރުގައި ތެލުގެ އަގު އުފުލުމުންނެވެ. ނަމަވެސް 2023 ގެ ކުރީގެ ކޮޅުން ފެށިގެން މިހާތަނަށް ތެލުގެ އަގުތައް އައީ މައިގަނޑު ގޮތެއްގައި ހެޔޮ ވަމުންނެވެ.

އެންމެ ފަހުން ތެލުގެ އަގަށް މިދިޔަ އަހަރުގެ މާޗް 23 ވަނަ ދުވަހު ބަދަލު ގެނެސްފައިވާއިރު އެ ދުވަހު ޕެޓްރޯލް ލީޓަރަކުން 48 ލާރި ހެޔޮކުރި ނަމަވެސް ޑީސަލްގެ އަގަށް އެއްވެސް ބަދަލެއް ގެނެސްފައެއް ނުވެ އެވެ.