ދިވެހި ރާއްޖޭގެ މަޝްހޫރު ރެޕް އާޓިސްޓުންގެ ރެކޯޑް ލޭބަލް ސިމްބޮލިކް ރެކޯޑްސް (އެސްއާރު) ގެ އީދު ޝޯތައް އައްޑޫ އާއި މާފުށީގައި އޮންނާނެ ކަން އިއުލާންކޮށްފި އެވެ.

އެ ލޭބަލް އިން ބުނީ މާފުށީގައި ޝޯ އޮންނާނީ އަންނަ މަހު 7 ވަނަ ދުވަހު ކަމަށެވެ. އެއީ ބޮޑު އީދުގެ ދެވަނަ ދުވަހެވެ.

އަދި އައްޑޫ މީދޫގައި ޝޯ އޮންނާނީ އަންނަ މަހު 8 ވަނަ ދުވަހުގަ އެވެ. އެއީ ބޮޑު އީދުގެ ތިންވަނަ ދުވަހެވެ.

އަދި ހަމަޖެހިފައިވަނީ ދެ ޝޯ ބޭއްވުމަށް ނަމަވެސް އީދުގެ އެހެން ދުވަސްތަކުގައި ވެސް ޝޯ ބާއްވަން ހުށަހެޅުމުގެ ފުރުސަތު އޮތް ކަމަށް ބުންޏެވެ.

އީދު ޝޯތަކުގެ ކުރިން މާލޭގައި ވެސް އެސްއާރުގެ ބޮޑު ޝޯއެއް އޮންނާނެ އެވެ. ބުރާސްފަތި ދުވަހުގެ ރޭ އެ ޝޯ އޮންނާނީ, މިހާރު ހުޅުމާލޭ ސެންޓްރަލް ޕާކުގައި ކުރިއަށްދާ ފަންނުވެރިންގެ މައުރަޒުގެ ތެރެއިންނެވެ.