ހެލްތް މިނިސްޓްރީން ކުރި ޕޯސްޓެއްގައި ދިވެހި ސަރުކާރުގެ ބަދަލުގައި ރައީސް ޑރ. މުހައްމަދު މުއިއްޒުގެ ސަރުކާރުން ލިޔުމުން، އެ މިނިސްޓްރީއަށް ފާޑުކިޔުންތައް އަމާޒުވެއްޖެ އެވެ. 

ފާޑުކިޔުންތައް ބޮޑުވީ ރައީސް ޑރ. މުއިއްޒުގެ ސަރުކާރުން ވަނީ މުޅިން އަލަށް 9 ރަށެއްގައި ގައިނަކޮލޮޖިސްޓުންގެ ހިދުމަތް ދޭން ފަށައިފަައިކަން ހާމަކޮށް މިނިސްޓްރީން ކުރި ޕޯސްޓަކުންނެވެ. 

އެ ޕޯސްޓު ރީ-ޓްވީޓްކޮށް، ދިވެހި ބަހާއި ތާރިހު ދިރާސާކުރާ ނާޖިހު ދީދީ ބުނީ، ރާއްޖޭގައި މިހާރު ހިނގަމުންދަނީ ރަސްކަމެއް ނޫން ކަމަށެވެ.  

''މިތާ މިއޮތީކީ ރަސްކަމެއް ނޫން! އިނގިރޭސީން "ހިޒް މެޖެސްޓީސް ގަވަރމަންޓް" އޭ ކިޔާ ގޮތަށް މިތާކު ނުކިޔޭނެ! މިތާ ކިޔާނީ ދިވެހި ސަރުކާރު ނުވަތަ ދިވެހިރާއްޖޭގެ ސަރުކާރު'' ނާޖިހު ބުންޏެވެ.

އިތުރު މީހަކު ވަނީ ސަރުކާރަކީ ރައީސްގެ ހަރުމުދަލެއްތޯ ސުވާލު އުފައްދާފަ އެވެ. ''މުއިއްޒުގެ ސަރުކާރެކޭ ކިޔާ ސަރުކާރެއް ނޯވޭ'' އިތުރު މީހަކު ކުރި ކޮމެންޓެއްގައި ބުންޏެވެ.