މަޝްހޫރު ދީނީ އިލްމުވެރިޔާ ޝެއިހް އިބްރާހިމް ފަރީދު އަހްމަދު، ކުއްލި ގޮތަކަށް މިއަދު އަވަހާރަ ވެއްޖެ އެވެ.

ޝެއިހް ފަރީދު އަވަހާރަވީ، މެލޭޝިއާގައި އޮތް ބައްދަލުވުމަކަށް މިއަދު އެތަނަށް ވަޑައިގެން، މެލޭޝިއާ އެއާޕޯޓުގައި ހުންނަވަނިކޮށް ކުއްލިއަކަަށް ހާލު ދެރަވެގެންނެވެ.

އަލް މައުހަދުން ތައުލީމު ހާސިލު ކުރެއްވި ޝެއިހް ފަރީދަކީ ރާއްޖޭގައި ދީނީ ހޭލުންތެރިކަން އިތުރު ކުރެއްވުމަށް ގިނަ މަސައްކަތްތަކެއް ކުރެއްވި އިލްމުވެެރި އެކެވެ. އެގޮތުން އެކި ރަށްރަށަށް ވަޑައިގެން ވެސް ދީނީ ގިނަ ދަރުސްތައް ޝެއިހް ފަރީދު ވަނީ ދެއްވާފަ އެވެ.

މީގެ އިތުރުން ޝެއިހް ފަރީދަކީ ދީނީ އެކި މައުލޫމާތު ގެެނެސްދޭ ޓީވީ ޗެނަލެއް ކަމަށްވާ "އަލް ކައުނު" ޗެނަލުގެ ޗެއާމަން ވެސް މެއެވެ.