ސްޓެލްކޯގެ މެނޭޖިން ޑިރެކްޓަރުކަމުން ވަކިކުރި އަހުމަދު ޝަމާހުގެ މައްސަލައެއް އެންޓި ކޮރަޕްޝަން ކޮމިޝަން (އޭސީސީ)އަށް ހުށަހަޅައިފި އެވެ.

އޭސީސީން ބުނީ ޝަމާހު އަށް ތުހުމަތުކުރާ ކޮރަޕްޝަންގެ މައްސަލައެއް ހުށަހަޅާފައިވާތީ އެކަން ބަލަމުން އަންނަ ކަމަށެވެ. 

ސްޓެލްކޯގެ އެމްޑީގެ މަގާމުން ޝަމާހު ވަކިކޮށްފައިވަނީ އިއްޔެ އެވެ. އޭނާ ވަކިކުރި ސީދާ ސަބަބެއް  ކަމަށް ޕްރައިވަޓައިޒޭޝަން އެންޑް ކޯޕަރައިޓޭޒަން ބޯޑުން އިއްޔެ ބުނެފައިވިޔަސް އޭނާ ވަކިކުރި ސަބަބެއް ނުބުނެ އެވެ. 

މަގާމުން ވަކިކުރި ފަހުން ވަނީ ސްޓެލްކޯގެ ތެރެއިން ހިޔާނާތަށް މަގުފަހިކުރި ކަމަށް ދޭހަވާ ގޮތަށް ޝަމާހު ދައްކަވާ ވާހަކަތަކެއް އިވޭ އޯޑިއޯއެއް ރޭ ލީކު ކޮށްލައިފައިވެ އެވެ. 

އެ އޯޑިއޯގައި ޝަމާހު ކަމަށް ބެލެވޭ މީހަކު ބުނެފައިވަނީ އޭނާ މިފްކޯގައި ކޮރަޕްޝަނުގެ ތެރެއިން ޕައިޕްލައިނަށް އަޅާ ފައިސާ އަށް ވުރެ މާ ގިނައިން ސްޓެލްކޯގައި ކޮރަޕްޝަނުގެ ތެރެއިން ފައިސާ ހޯދާ ކަމަށެވެ.