ސަޢުދީ ޢަރަބިއްޔާގެ "މިނިސްޓްރީ އޮފް އިސްލާމިކް އެފެއާޒް ދަޢުވާ އެންޑް ގައިޑެންސް" އިން ރާއްޖެއަށް 10 ޓަނުގެ ކަދުރު ހަދިޔާކޮށްފިއެވެ.

ކޮންމެ އަހަރަކު ވެސް ރޯދަ މަހަށް ހާއްސަކޮށް ދިވެހިރާއްޖެއަށް ސައުދީން އިން ކަދުރު ހަދިޔާކުރަމުން އާދެ އެވެ. މި އަހަރު ފުރަތަމަ 50 ޓަނުގެ ކަރުދު ހަދިޔާ ކުރި އެވެ. މިއަދު ހަދިޔާކުރި 10 ޓަނާއެކު މި އަހަރު ޖުމުލަ 60 ޓަނު ސައުދީން އެ ވަނީ ހަދިޔާކޮށްފަ އެވެ.

މި ކަމަށްޓަކައި މިއަދު ވަނީ އިސްލާމިކް މިނިސްޓްރީގެ ރަސްމިއްޔާތެއް ބާއްވާފައެވެ.

މި ރަސްމިއްޔާތުގައި އެ ވުޒާރާގެ ފަރާތުން ކަދުރާއި ހަވާލުވެލެއްވީ ވަޒީރު ޑރ. މުހައްމަދު ޢަލީ ސައީދެވެ. އަދި ސައުދީގެ ފަރާތުން ދިވެހިރާއްޖޭގައި ތިއްބެވި ސަޢުދީ ޢަރަބިއްޔާގެ އެމްބަސީގެ އިސް ވެރިން ބައިވެރިވެލައްވާފައިވެއެވެ.

މިއާ އެކު 10 ޓަނުގެ ކަދުރު ހަވާލުކޮށްދެއްވީތީ ސަޢުދީ ޢަރަބިއްޔާގެ "މިނިސްޓްރީ އޮފް އިސްލާމިކް އެފެއާޒް ދަޢުވާ އެން ގައިޑެންސް" އަށް ޑރ. ޝަހީމް ވަނީ ޝުކުރު އަދާ ކުރައްވާފަ އެވެ.