ސަރުކާރުން ފެށުމަށް ހަމަޖެހިފައިވާ ޓެކްސީ ލައިނަށް ޑްރައިވަރުން ހޯދުމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން އިއުލާނުކޮށްފިއެވެ.

އެ ކުންފުނިން ކުރި އިއުލާނުގައި ބުނީ މި ޓެކްސީ ލައިން ފެށުމަށް 407 ޑްރައިވަރުން ބޭނުންވާ ކަމަށެވެ. އޭގެތެރެއިން 122 ޑްރައިވަރުން ހޯދަނީ ޕާޓްޓައިމް ކޮށް ކަމަށާއި ފުލް ޓައިމް ކޮށް ހޯދަނީ 285 ޑްރައިވަރުން ކަމަށެވެ.

މި ވަޒިފާއަށް ކުރިމަތިލުމުގެ ފަހު ދުވަހަކީ އަންނަ އަހަރުގެ 17 އެވެ. ޑްރައިވަރުން ނެގުމުގައި އިސްކަން ދޭނީ ޓްރާންސްޕޯޓް މިނިސްޓްރެ ޑްރައިވަރުންގެ ލިސްޓުގައި ދަފްތަރު ކުރެވިފައިވާ ފަރާތްތަކަށް ކަމަށް އެ ކުންފުނިން ބުނެ އެވެ.

ސަރުކާރުން ޓެކްސީ ލައިނެއް ހެދުމަށް ނިންމީ ޓެކްސީ ޑްރައިވަރުންނާމެދު އާންމުންގެ ޝަކުވާ ބޮޑުވެގެންނެވެ. މިނިސްޓްރީން ބުނި ގޮތުގައި ހިދުމަތަށް ނެރެނީ 100 އުޅަނދު ކަމަށެވެ. އަދި ސަރުކާރުން މި ނެރޭ ޓެކްސީ ތަކަށް ހަނި ގޯޅިއަކަށް ވަދެވޭނެ ކަމަށް ވެސް މިނިސްޓްރީން ބުނެފައިވެއެެވެ.