ސަރުކާރު ހިއްސާވާ ކުންފުނިތަކުގެ ތެރެއިން 12 ކުންފުންޏެއް މި އަހަރުގެ ފުރަތަމަ ކުއާޓާގައި ބޮޑު ގެއްލުމެއް ލިބުނުކަން އެނގިއްޖެ އެވެ. 

މި ކަން ފާހަގަކޮށްފައިވަނީ ޕީސީބީގެ ކުއާޓަލީ ރިޕޯޓްގަ އެވެ. ބޭންކް ކުންފުނިތައް ނުހިމަނައި، ސަރުކާރުގެ 24 ކުންފުންޏެއް އެބަ ހިންގަ އެވެ. 

އެހެންކަމުން ސަރުކާރު ކުންފުނިތަކުގެ ދެބައިކުޅައެއްބައި މި ހިންގަނީ ގެއްލުމުގަ އެވެ. 

އަހަރުގެ ފުރަތަމަ ކުއާޓާގައި ގެއްލުމުގައި ހިނގި ކުންފުނިތައް:

• އާރުޑީސީ - 113.73 މިލިއަން ރުފިޔާގެ ގެއްލުމެއް
• އައިލެންޑް އޭވިއޭޝަން - 46.36 މިލިއަން ރުފިޔާގެ ގެއްލުމެއް
• ފެނަކަ - 33.72 މިލިއަން ރުފިޔާގެ ގެއްލުމެއް
• އެމްޓީސީސީ - 19.66 މިލިއަން ރުފިޔާގެ ގެއްލުމެއް
• އައްޑޫ އެއާޕޯޓް - 17.55 މިލިއަން ރުފިޔާގެ ގެއްލުމެއް
• އެފްޑީސީ - 14.05 މިލިއަން ރުފިޔާގެ ގެއްލުމެއް
• ޓްރޭޑްނެޓް - 10.55 މިލިއަން ރުފިޔާގެ ގެއްލުމެއް
• ފަންޑު މެނޭޖުމަންޓް - 7.15 މިލިއަން ރުފިޔާގެ ގެއްލުމެއް
• ހައްޖު ކޯޕަރޭޝަން - 6.6 މިލިއަން ރުފިޔާގެ ގެއްލުމެއް
• ޕީއެސްއެމް - 5.72 މިލިއަން ރުފިޔާގެ ގެއްލުމެއް
• ބީސީސީ - 3.65 މިލިއަން ރުފިޔާގެ ގެއްލުމެއް
• ޕޯސްޓް - 2.26 މިލިއަން ރުފިޔާގެ ގެއްލުމެއް