ބްރެޒިލްގެ ފުޓްބޯޅަ ފެޑެރޭޝަންގެ ރައީސްކަމުގެ މަގާމް ލެޖެންޑް 'ރޮނާލްޑޯ ލުއިސް ނަޒާރިއޯ' ކުރިމަތިލުމުގެ ފުރުސަތު ނުދޭން އެ ގައުމުގެ ފެޑެރަލް އެސޯސިއޭޝަންތަކުން ނިންމައިފިއެވެ. 

ބާސެލޯނާއި ރެއާލް މެޑްރިޑް އަދި އިޓަލީގެ އިންޓަމިލާނާއި އޭސީމިލާނަށްވެސް ކުޅުނު ރޮނާލްޑޯ ބްރެޒިލްގެ ފެޑެރޭޝަން ގެ ރައީސްކަމަށް ކުރިމަތިލާން ގަސްތުކުރީ 22 އަހަރު ބްރެޒިލްއަށް ވޯލްޑްކަޕްގެ ތަށި ލިބިފައި ނުވާތީކަމަށް ރޮނާޑޯ ބުނެފައިވެއެވެ.

ރޮނާލްޑޯގެ އަމާޒަކީ ބްރެޒިލްގެ ފުޓްބޯޅަ ކުރިއަށް ޖައްސާލާ ބަދަލުތަކެއް ގެނައުމެވެ. ނަމަވެސް މިހާރުގެ ބްރެޒިލްގެ ފެޑެރޭޝަންގެ ރައީސް އެޑްނާލްޑޯ އަންނަނީ ވަރަށް ބޮޑަށް ރޮނާލްޑޯއަށް ފިއްތުންތަށް ކުރިމަތި ކުރަމުންނެވެ.  ބްރެޒިލްގެ ފުޓްބޯޅައިގެ ހަރަކާތްތަކުން އެޑްނާލްޑޯ އަންނަނީ ރޮނާލްޑޯ ވަރަށް ބޮޑަށް އެކަހެރި ކުރަމުންނެވެ.

އެޑްނާލްޑޯގެ ފިއްތުންތަކާ އެކު 1994 ވަނަ އަހަރުގެ ވޯލްޑް ކަޕް ތަށި ބްރެޒިލްއަށް ލިބުނުތާ 30 އަހަރު ފުރުން ފާހަގަކުރި  ރަސްމިއްޔާތުގައި ރޮނާލްޑޯގެ ވީޑިއޯ އަދީ ފޮޓޯތައް ދެއްކުން މަނާކޮށްފައިވެއެވެ. 

ބްރެޒިލްގެ ފުޓްބޯޅަ ފެޑެރޭޝަންގެ އިންތިހާބުގައި ވޯޓުލުމުގެ ހައްގު ލިބިފައިވާ 27 ސަރަހައްދީ އެސޯސިއޭޝަން އޮންނައިރު 23 އެސޯސިއޭޝަނަކުން ވަނީ ރޮނާލްޑޯގެ އަޑުނާހާ މިހާރުގެ ރައީސް އެޑްނާލްޑޯ ރޮޑްރިގޭޒަށް ތާއީދުކުރަން ނިންމާފައެވެ.