ވިލިމާލޭގައި ރައްޔިތުންނަށް އުދަނގޫވާ ގޮތަށް ހުރި ދެ ނިކަގަހެއް ނަގަން ރައީސް ޑރ. މުހައްމަދު މުއިއްޒު ނިންމަވައިފި އެވެ. 

ރޭ ވިލިމާލެ ރައްޔިތުންނާ އެކު ބޭއްވި ބައްދަލުވުމުގައި މީހަކު ވަނީ ހުޅުމާލޭގައި ހުންނަ ދެ ނިކަ ގަހުގެ ސަބަބުން ރައްޔިތުންނަށް އުދަނގޫތަކެއް ކުރިމަތިވާ ކަމަށެވެ.

އެކަމުގެ ކަންބޮޑުވުން މީގެ ކުރިން ސިޓީ ކައުންސިލުގެ އިތުރުން ސަރުކާރުގައިވެސް އެދިފައިވާނެ ކަމަށާއި، އެހެންވެ އެކަމެއް ހައްލެއް ހޯދައި ދިނުމަށް އެ މީހާ ރައީސް އަރިހުގައި އެެދުއެވެ. 

ސުވާލަކަށް ޖަވާބުގައި ރައީސް ވަނީ ބައްދަލުވުމުގައި ތިބި މީހުންގެ ތެރެއިން އެ ގަސް އެތަނުން ނަގަން ބޭނުންވާ މީހުންގެ ވޯޓަށް އަހާފަ އެވެ. 

އަތް އުފުލައިގެން ނެގި ވޯޓުގައި މެޖޯރިޓީ މީހުން ވޯޓު ދިނީ އެ ގަސްތައް ނަގާށެވެ. 

''އެހެންވީމާ އިއްތިފާގުން ފާސްމިވީ (ގަސް ނަގަން) އެކަން ކުރިއަށްދާނެ'' ރައީސް ވިދާޅުވި އެވެ.