ރާއްޖޭގެ އެންމެ މަގުބޫލު ސިޔާސީ ލީޑަރަކީ ކުރީގެ ރައީސް އަބްދުﷲ ޔާމީންކަން ބާނީ ސެންޓާ ފޯ އިންޓަނޭޝަނަލް ޕޮލިސީގެ ސާވޭއަކުން ދައްކައިފި އެވެ.

ރާއްޖޭގައި ހިންގާ ތިންކް ޓޭންކެއް ކަމަށްވާ ބާނީން ބުނީ 23 ނޮވެމްބަރުން 1 ޑިސެމްބަރަށް ކުރި ސާވޭގައި ބުނީ، 2028 ވަނަ އަހަރުގެ ރިޔާސީ އިންތިހާބުގައި ވާދަކުރާނެ ކަމަށް ބެލެވޭ 6 ސިޔާސީ ލީޑަރުންނާ މެދު އާއްމު ދެކޭ ގޮތް އަހާފައިވާ ކަމަށެވެ. 

އެ ލީޑަރުންނަކީ ރައީސް ޔާމީން، ކުރީގެ ރައީސް އިބްރާހިމް މުހައްމަދު ސޯލިހު، ކުރީގެ ރައީސް މުހައްމަދު ނަޝީދު އަދި ކުރީގެ ފޮރިން މިނިސްޓަރު އަދި އެމްޑީޕީގެ ރައީސް އަބްދުﷲ ޝާހިދުގެ އިތުރުން އެމްޑީޕީގެ ޗެއާޕަސަން ފައްޔާޒު އިސްމާއީލް އެވެ. 

ސާވޭގައި ބައިވެރިވި ފަރާތްތަކުން ވަނީ އެއިން ކޮންމެ ސިޔާސީ ލީޑަރަކަށްވެސް 1 އަކާއި 10 އަކާ ދެމެދުގެ އަދަދަކުން ސްކޯއެއް ދީފަ އެވެ. 

ސިޔާސީ ލީޑަރުންގެ ލިސްޓުގެ އެއްވަނަ ޔާމީން ވަނީ 5.6 އެވްރޭޖް ސްކޯއެއް ހޯއްދަވާފަ އެވެ. 

ބާނީގެ ސާވާގައި ރައީސް މުއިއްޒުގެ އެޕްރޫވަލް ރޭޓިން +24 ގައި ހުރިއިރު އެމަނިކުފާނަކީ ސިޔާސީ ލީޑަރުންގެ ތެރެއިން ދެވަނަ އަށް އެންމެ މަގުބޫލު ސިޔާސީ ލީޑަރު ކަމަށް ސާވޭގެ ނަތިއްޖާއިން ދައްކަ އެވެ. އެމަނިކުފާނަށް ސާވޭގެ ބައިވެރިން ދީފައިވަނީ 5.3 ގެ ސްކޯ އެވެ. 

އެމްޑީޕީގެ ސިޔާސީ ލީޑަރުންގެ ތެރެއިން ނަޝީދުއަށް 4.9 ގެ ސްކޯއެއް ހޯއްދެެވިއިރު ސޯލިހުއަށް ލިބިވަޑައިގެންނެވީ 4.5 ސްކޯއެކެވެ. ޝާހިދަށް 2.3 ގެ ސްކޯއެއް އަދި ފައްޔާޒަށް ލިބިވަޑައިގެންނެވީ 2.1 ގެ ސްކޯއެކެވެ.