ރާއްޖެއިން ޓީބީ ނައްތާލުމަށް ކުރާ މަސައްކަތްތައް އިތުރަށް ހަރުދަނާކުރައްވާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.

ބައިނަލްއަގްވާމީ ގޮތުން ފާހަގަކުރާ ޓީބީ ދުވަހާ ގުޅިގެން އެކްސްގައި ރައީސް މިއަދު ކުރެއްވި ޕޯސްޓެއްގައި ވިދާޅުވީ، ޓީބީ ނައްތާލުމަށްޓަކައި ކުރަމުން އަންނަ މަސައްކަތުގައި ތިއްބެވީ ސާބިތުކަމުގައި ކަމަށާއި ރާއްޖެއިން ޓީބީ ނައްތާލުމަށް ކުރާ މަސައްކަތްތައް އިތުރަށް ހަރުދަނާ ކުރެވިގެންދާނެކަމަށެވެ.

ރައީސް ވިދާޅުވީ،  ޓީބީ ބަލި ދެނެގަތުމުގެ މިންވަރު 70 ޕަސަންޓު އިތުރުކުރުމުގެ އަމާޒާއި އެ ބައްޔަށް ފަރުވާ ދެވޭ މިންވަރު 85 ޕަސަންޓަށް އިތުރުކުރުމުގެ އަމާޒަށް ވާސިލުވެފައިވާ ފަސް ގައުމުގެ ތެރެއިން އެއް ގައުމުކަމުގައި 1998 ވަނަ އަހަރުއްސުރެ ރާއްޖެ ހިމެނިފައިވުމުން ދައްކުވައިދެނީ ރާއްޖޭގައި ޓީބީ ނައްތާލުމަށް ދޭ އަހަންމިއްޔަތުކަން ކަމަށެވެ. 

ރައީސް ވިދާޅުވީ މި އަހަރުގެ ފަހުގެ ކޭސްތަކަށް ޓިއުބަކުލޯކިސް ޕްރިވެންޓިވް ޓްރީޓްމަންޓް (ޓީޕީޓީ) ހިލޭ ފޯރުކޮށްދިނުމަށް އިތުރު މަސައްކަތްތައް ކުރަމުން އަންނަކަމަށެވެ. 

ޓީބީ ދުވަހަށް މި އަހަރު ކަނޑައަޅާފައިވަނީ "އާދެ، ޓީބީ ނައްތާލެވިދާނެ: އެކަމަށް މަސައްކަތްކުރޭ، ހޭދަކުރޭ، ޑެލިވާ ކުރޭ" އެވެ.