ރާއްޖެއަށް 60 ވަނަ ފަހަރަށް ޒިޔާރަތްކުރި އިނގިރޭސިވިލާތުގެ ދެމަފިރިން ޑައިވްކުރަނިކޮށް ރާއްޖޭގައި މަރުވެއްޖެ އެވެ.

އިނގިރޭސި ވިލާތުގެ ޑެއިލީ މެއިލްގައިވާ ގޮތުން މަރުވީ ދެމަފިރިން ކަމަށްވާ އިލެއިން ރިޗްމަންޑް އާއި އޭނާގެ ފިރިމީހާ މެލްކަމް ރިޗްމަންޑް އެވެ. އެ ދެމަފިރިން މަރުވީ އދ. އެއްލައިދޫއަށް ޗުއްޓީ ހޭދަކުރަން އުޅެނިކޮށެވެ.

ޑެއިލީ އިއްޔެ ރިޕޯޓުކޮށްފައިވާ ގޮތުގައި މިދިޔަ މަހު އެ ދެމަފިރިން މަރުވީ، އއ. އެއްލައިދޫ ބައި ސިނަމަވަން ރިސޯޓު ކައިރީގައި ހިނގި ހާދިސާއެއްގަ އެވެ.

އެ ނޫހުގައިވާ ގޮތުން އެ ހާދިސާ ހިނގީ ހުސްވި މަހުގެ 19 ގައި ކަަމަށާއި، ދެމަފިރިން ފެނުނީ ކަނޑުމަތިން އޮޔާދަނިކޮށް ކަމަށެވެ.

އެ ދެމަފިރިން މޫދުން ނެގިއިރު އުމުރުން 70 އަހަރުގެ އަންހެން މީހާ އޮތީ މަރުވެފައި ކަމަށާއި އުމުރުން 71 އަހަރުގެ ފިރިހެން މީހާ މަރުވީ ފަރުވާދެމުން ދަނިކޮށް މިދިޔަ މަހު 22 ވަނަ ދުވަހެވެ.

ފާއިތުވި 17 އަހަރު މެދުނުކެނޑި ކްރިސްމަސްގެ ޗުއްޓީ އެ މީހުން ހޭދަކުރީ ރާއްޖޭގަ އެވެ. މިދިޔަ އަހަރު ވެސް ތިން ފަހަރު އެ މީހުން ރާއްޖެ ޒިޔާރަތްކުރި އެވެ.