ވަކި މުއްދަތަކަށް ފަހު ރާއްޖޭގައި ވަޒީފާ އަދާކުރުމަށް ބިދޭސީންނަށް ދޫކުރާ ކޯޓާ ތަކުން އުނިކުރާ ލިސްޓުން ބޭބީ ސިޓާސް އުނިކޮށްފި އެވެ.

 އެ ކޯޓާތައް އިސްލާހުކޮށް ފުރަތަމަ ހޯމް މިނިސްޓްރީ އިން ގެޒެޓު ކުރީ ހޯމަ ދުވަހުގައެވެ. އެ ދުވަހު ގެޒެޓު ކުރި ލިސްޓުގައި ބޭބީ ސިޓާސް ހިމެނެއެވެ.

އެ ލިސްޓުގައި ބޭބީ ސިޓާސް ހިމެނޭތީ އާންމުންގެ ކަންބޮޑުވުމާއި ފާޑު ކިޔުންތައް ވަރަށް ބޮޑަށް ސަރުކާރަށް އަމާޒުވި އެވެ.

އެއާއެކު ބޭބީ ސިޓާސް އުނިކޮށް މިއަދު އެ މިނިސްޓްރީ އިން ވަނީ އަލުން އެ ލިސްޓު ގެޒެޓު ކޮށްފަ އެވެ.  

މި ލިސްޓުގައިވާ ގޮތުން މީގެ ފަހުން ކޯޓާ ދޫނުކުރާނެ ވަޒީފާތައް:

• ޓެކްސީ ޑްރައިވަރުން 
• މަތިންދާބޯޓުގެ ފާސްޓް އޮފިސަރުން/ ޕައިލެޓުން
• ކަނޑު އުޅަނދުގެ ކެޕްޓަން
• މުނިފޫހިފިލުވުމުގެ ދާއިރާގެ މަސައްކަތްތައް
• ވިޔަފާރިކުރާ ތަންތަނުގައި މަސައްކަތްކުރާ ކޭޝިއަރުން

އަމަލުކުރަން ފަށާތާ ދެ އަހަރު ދުވަހުގެ މުއްދަތަކަށް ފަހު ކޯޓާތައް ބާތިލްކޮށް އަދި އަލުން ކޯޓާ ނުދެވޭނެ ވަޒީފާތައް:

• ހެއާ ޑްރެސަރުން
• ބިއުޓީޝަނުން
• ބޭބީ ސިޓާސް
• އިލެކްޓްރީޝަނުން
• ޕާސަނަލް ޓްރެއިނާސް
• ޓުއާ ގައިޑުން ގެސްޓް ރިލޭޝަން އޮފިސަރުން (އިންގްލިޝް)
• އެކައުންޓެންޓުން
• އިމާމުން

އަލަށް ގެނައި އިސްލާހަށް އަމަލުކުރަން ފަށާތާ ތިން އަހަރު ދުވަހުގެ މުއްދަތަކަށް ފަހު ކޯޓާތައް ބާތިލްކުރަންޖެހޭ ވަޒީފާތަކަކީ، ޑައިވަރުން، ނަރުހުން، ބިލްޑިން އިކްސްޕެކްޓަރުން، ސާވޭޔަރުން، ސައިޓް ސުޕަވައިޒަރުންގެ އިތުރުން ޕައިލެޓުންނެވެ.

ހަމައެއާއެކު ގަވާއިދަށް އިސްލާހަށް އަމަލުކުރަން ފަށާތާ ހަތަރު އަހަރު ދުވަހުގެ މުއްދަތަކަށް ފަހު ކޯޓާތައް ބާތިލްކުރާނެ ވަޒީފާތަކަކީ އިލެކްޓްރިކަލް އިންޖީނިއަރުންގެ އިތުރުން ޑައިވް އިންސްޓްރަކްޓަރުންނެވެ.

މި ގަވާއިދުގައިވާ ގޮތުގެ ތެރެއިން މި ވަޒީފާތަކުގައި މިހާރު ވަޒީފާ އަދާ ކުރާ ބިދޭސީންގެ ކޯޓާ ވަކި މުއްދަތެއް ހަމަވުމުން ބާތިލު ކުރާނެއެވެ.                

މީގެ އިތުރުން އެ ގަވާއިދު ގައި ބުނެފައިވަނީ ކޯޓާ ދޫކުރުމުގައި ބަލާ މިންގަނޑުތަކަށް ރިއާޔަތްކޮށް ވަޒީފާގެ ބާޒާރުން ދިވެހި މަސައްކަތްތެރިން ލިބެން ހުރި މިންވަރަށް ބަލައި އެ މަގާމުތަކަށް ބަދަލު ގެނައުމުގެ އިހުތިޔާރު ހޯމް މިނިސްޓަރަށް ލިބެއެވެ.