ސަރުކާރު ހިންގާ މައި ޕާޓީ ޕީއެންސީން މިރޭ ޖަލްސާ ބާއްވާ ބޮޑު އާޓިފިޝަލް ބީޗު ސަރައްހައްދުގެ ބޮޑު ބައެއް ފުލުހުން ބަންދުކޮށްފި އެވެ.

މި ފަހުން ޕީއެންސީން ބާއްވާ އެންމެ ބޮޑު އެއް ޖަލްސާ ފަށާނީ މިރޭ 8:30 ގަ އެވެ. 

ފުލުހުން ވަނީ މިރޭ 6 އިން ފެށިގެން ޖަލްސާ ނިމެންދެން އެ ސަރައްދުގެ ޓްރެފިކް ފްލޯއަށް ގެނެވޭ ބަދަލުތައް ދައްކުވައިދޭ ޗާޓެއް ހިއްސާކޮށްފަ އެވެ. ޗާޓުން ދައްކާ ގޮތުން އާޓިފިޝަލް ބީޗު ސަރަހައްދަށް ދިމާލަށް ބޮޑުތަކުރުފާނު މަގަށް ނިކުމެވޭ ބޮޑު ސަރަހައްދެއްގައި އެއްވެސް ވަރަކަށް އުޅަނދުތައް ދުއްވުން މަނާވާނެ އެވެ. އަދި އާޓިފިޝަލް ބީޗާ ދިމާލަށް ނިކުމެވޭ ސަރަހައްދުތަކުގެ މަގުތަކުގައި ހަތަރު ފުރޮޅުކީ އުޅަނދުތައް ދުއްވުންވެސް މަނާވަނެ އެވެ. 

ޕީއެންސީގެ ޖަލްސާ އަށް ރަށްރަށުން ގިނަ ބަޔަކު ވަނީ މާލެއަށް އައިސްފަ އެވެ. އެ ޕާޓީން ބުނީ ރައީސް ޑރ. މުހައްމަދު މުއިއްޒު ބައިވެރިވެވަޑައިގަންނަވާ އެ ޖަލްސާ ވެގެންދާނީ ރާއްޖޭގެ ސިޔާސީ ތާރީހުގައި ބާއްވާ މިފަދަ އެންމެ ބޮޑު އެއް ޖަލްސާއަށް ކަމަށެވެ. 

އަދި އެ ޖަލްސާ އަކީ މިހާތަނަށް ނުބޭއްވޭފަދަ ކުލަގަދަ އަދި ފުރިހަމަ އިންތިޒާމެއްގެ ދަށުން ބާއްވާ ޖަލްސާއަކަށް ހެދުމަށް ގިނަ ތައްޔާރީތަކެއް ދަނީ ޕީއެންސީން ދަނީ ވަމުންނެވެ.