ރާއްޖެއަށް އެތެރެކޮށް ބޭނުން ކުރަމުން ގެންދާ "ޕެންޓޮޕް 40 އިންޖެކްޝަން" ބޭސް ވިއްކުން އަދި ބޭނުންކުރުން " މޯލްޑިވްސް ފުޑް އެންޑް ޑްރަގް އޮތޯރިޓީ"ން މިއަދު ވަނީ މަނާކޮށްފައެވެ.

މި ބޭސް މަނާކޮށްފައި މިވަނީ ބޭހުގައި ކޮލެޓީ މައްސަލަތަކެއް ފާހަގަކުރެވިގެންނެވެ. އެހެންކަމުން "EMPH243030"(ބެޗް ނަމްބަރު)ގެ ބޭސް އެތެރެކޮށް ބޭނުންކުރުން މަނާ ކުރެވިފައި ވާކަމަށް އެ އޮތޯރިޓީން އަންގާފައިވެއެވެ.

މިގޮތުން ބޭހުގެ ރައްކާތެރިކަން ކަށަވަރު ކުރުމަށްޓަކައި ބޭސް އެއްތަނުން އަނެއްތަނަށް އުފުލުމާއި، ގުދަންކުރުމުގައި ބަހަށްޓަންޖެހޭ މިންގަނޑުތައް ބޭސް އިމްޕޯޓްކޮށް ވިއްކާ ފަރާތްތަކަށް މިހާރު ވާނީ އެންގިފައި ކަމަށްވެސް އެ އޮތޯރިޓީން ވިދާޅުވެފައިވެއެވެ. 

ވީމާ "ޕެންޓޮޕް 40 އިންޖެކްޝަން" އެއްވެސް ފާމަސީއެއް ނުވަތަ ސިއްޚީ ހިދުމަތްދޭ ތަނެއްގައި ހުރިނަމަ އެކަން "މޯލްޑިވްސް ފުޑް އެންޑް ޑްރަގް އޮތޯރިޓީ" އަށް އެންގުމަށާއި، ބޭސް ނައްތާލުމަށް ހަމަޖެހިފައިވާ އުސޫލުތަކާއި އެއްގޮތަށް ނައްތާލުމުގެ ކަންކަން ކުރިއަށް ގެންދިއުމަށް އެ އޮތޯރިޓީން އިލްތިމާސް ކުރައްވާފައިވެއެވެ.