ޕާކިސްތާން ދުވަހުގެ މުނާސަބާގައި އެ ގައުމުގެ ވެރިންނަށާއި ރައްޔިތުންނަށް ރައީސުލްޖުމްހޫރިއްޔާ މުހައްމަދު ޑރ.މުއިއްޒު ތަހުނިޔާ ފޮނުވައިފިއެވެ.

އެކްސްގައި ރައީސް ޑރ.މުއިއްޒު މިރޭ ކުރެއްވި ޕޯސްޓެއްގައި ވިދާޅުވެފައިވަނީ ޕާކިސްތާން ދުވަހުގެ ތަހުނިޔާ ޕާކިސްތާންގެ ރައީސް އާސިފް އަލީ ޒަދަރީ އާއި، ބޮޑުވަޒީރު ޝަބާޒް ޝަރީފާއި ޕާކިސްތާނުގެ ރައްޔިތުންނަށް ފޮނުއްވާކަމަށެވެ.

މީގެ އިތުރުން ރައީސް ޑރ.މުއިއްޒު ވިދާޅުވެފައިވަނީ ރާއްޖެއާއި ޕާކިސްތާނާއި ދެމެދު އޮތް ގުޅުމަކީ އިޙްތިރާމްގެ މަށްޗަށް ބިނާވެފައި އޮތް ގުޅުމެއް ކަމަށާއި، މި ގުޅުމަކީ ޒަމާންވީ ގުޅުމެއް ކަމަށެވެ.

އިތުރަށް ރައީސް ވިދާޅުވެފައިވަނީ ކުރިއަށް އޮތް ތާނގައިވެސް ދެ ގައުމުގެ ދޭތެރޭގައި އޮތް ގުޅުން ދާނީ އިތުރަށް ބަދަހިވެގެން ކަމަށެވެ.

ޕާކިސްތާނު ދުވަސް ޕާކިސްތާނުގައި ފާހަގަކުރަނީ 1956ވަނަ އަހަރު މާރިޗު މަހުގެ 23 ވަނަ ދުވަހު އެ ގައުމު ދައުލަތެއްގެ ގޮތުގައި އުފެދި ފުރަތަމަ ގާނޫނުއަސާސީ އެކުލަވާލި ދުވަސް ކަމުގައިވާތީއެވެ.