ތިން ފަޅެއް އޮމަދޫގެ ބައެއްގެ ގޮތުގައި ހަމަޖައްސައިފި އެވެ.

ތިން ފަޅެއް އއ. އޮމަދޫގެ ބައެއްގެ ގޮތުގައި ރައީސް ޑރ. މުހައްމަދު މުއިއްޒު މިއަދު ކަނޑައަޅުއްވައިފި އެވެ.

އެ ތިން ތަން އޮމަދޫ ރައްޔިތުންނަށް ހަމަޖައްސައިދިނުމަކީ ރައީސް މުއިއްޒުގެ ވައުދުފުޅެކެވެ.

ރައީސް އޮފީހުން މިއަދު ނެރުނު ގަރާރުގައިވާ ގޮތުން އޮމަދޫގައި ފަތުރުވެރިކަން ހިމެނޭގޮތުން އިގްތިސާދީ ގޮތުން ރައްޔިތުންނަށް މަންފާވާނެފަދަ ތަރައްގީގެ މަސައްކަތްތައް ހިންގުމަށްޓަކައި އއ އަތޮޅުގައި އޮންނަ ކުޑަދޫފަޅާއި އަރިއަތޮޅު ދެކުނުބުރި ކޯޑު ނަންބަރު RF1329 ފަޅާއި އަރިއަތޮޅު ދެކުނުބުރި ކޯޑު ނަންބަރު RF1330 ފަޅަކީ، އޮމަދޫގެ ބައެއްގެ ގޮތުގައި ކަނޑައަޅާފައިވެ އެވެ.

އެ ގަރާރު ސަރުކާރުގެ ގެޒެޓުގައި ޝާއިއުކޮށްފައިވާއިރު ރާއްޖޭގައި މީހުން ދިރިއުޅޭ ރަށްތައް ކަނޑައެޅުން އަށް އިސްލާހު ގެނެސް، ރާއްޖޭގައި މީހުން ދިރިއުޅޭ ރަށްތަކުގެ ލިސްޓު، މިހާރު ވަނީ އަދާހަމަކޮށްފަ އެވެ.