ވަރުގަދަ އޮޑި ޓައިޓަންސް ކަޓުވާލުމަށްފަހު ކްލަބް އެސްޑީޒެޑް ގަދަ 16 އަށް ގޮސްފިއެވެ.

އީދު ބައިބަލާ ޗެމްޕިއަންޝިޕް 1446 ގެ މިރޭގެ ފުރަތަމަ މެޗުގަައި އޮޑި ޓައިޓަންސް ވާދަކޮށް އެސްޑީޒެޑްއިން ކުރިހޯދީ ސީދާ ދެ ގޭމުންނެވެ.

އޮޑި ޓައިޓަންސްއިން އެތެރެއިން ފުރަތަމަ ގޭމު ކުޅެފައިވާއިރު، އެ ގޭމުގައި އެ ޓީމުން ވަނީ ތަފާތު މޮޅު ކުޅުމެއްދައްކައިފައެވެ. އެ ޓީމު އެ ގޭމުން މޮޅުވާން ދަނިކޮށް އެސްޑީޒެޑް އިން ވަނީ ކުޅުން ރަނގަޅުކޮށް ނަތީޖާ އަނބުރާލައިފައެވެ.

އެ ގޭމުގައި އެސްޑީޒެޑްއިން ވަނީ އެތެރޭގައި އޮތް އޮޑި ޓައިޓަންސްގެ 10 ކުޅުންތެރިން ނުބައިކޮށްފައެވެ. އޮޑި ޓައިޓަންސްއަށް އެ ގޭމުގައި ނުބައިކުރެވުނީ 8 ކުޅުންތެރިންނެވެ.

ދެވަނަ ގޭމުގައި އެސްޑީޒެޑްއިން ވަނީ އެތެރެއަށް ވަދެ މޮޅު ކުޅުމެއްދައްކައިފައެވެ. އެ ޓީމުން ވަނީ ބޭރުން އެރި އޮޑި ޓައިޓަންސްގެ 19 ކުޅުންތެެރިން ނުބައިކޮށްފައެވެ. އެ ގޭމުގަައި އޮޑި ޓައިޓަންސްއަށް ނުބައިކުރެވުނީ އެންމެ ތިން ކުޅުންތެރިންނެވެ.

އ މެޗުން މޮޅުވެ އެސްޑީޒެޑްއިން ވަނީ ގަދަ 16 ގެ ޖާގައެއް ކަށަވަރުކޮށްފައެވެ.