ނިލަންދޫ ނަރުދަމާ ހަލާކުވެ ނަޖިސް އަރަނީ، އާ ނިޒާމު 2026 އަށް ނިންމަނީ!

Nilandhoo narudhamaa halaakuve najis aranee, Aa nizaamu 2026 ah ninmanee!

ނިލަންދޫގެ ނަރުދަމާ ހަލާކުވެ ނަޖިސް އަރާ ސަރަހައްދެއް -- ފޮޓޯ: އެކްސް

ހަބަރު

ފ. ނިލަންދޫ ނަރުދަމާގެ ނިޒާމަށް މައްސަލަ ދިމާވެ، މުޅި ރަށުތެރެއަށް ނަޖިސް އަރަމުންދާތާ ދުވަސްތަކެއް ވުމާ ގުޅިގެން، މައްސަލަ ހައްލުކުރުމުގެ މަސައްކަތް ފަށާފައިވާކަން އެމްޑަބްލިއުއެސްސީން ހާމަކޮށްފި އެވެ. 

މިކަން ހާމަކޮށްފައިވަނީ ނަރުދަމާގެ ނިޒާމަށް މައްސަލަ ދިމާވެ ނިލަންދޫގެ މުޅި ރަށުތެރޭގެ އެތަން މިތަނުން ނަޖިސް އަރަމުން ދިއުމާ ގުޅިގެން އެކްސްގައި، މި މައްސަލަ ހައްލުކޮށްދޭން ސަރުކާރަށް ގޮވާލައި ކުރި ޕޯސްޓަކަށް ޖަވާބުދެއްވަމުން، އެމްޑަބްލިއުއެސްސީގެ މެނޭޖިން ޑިރެކްޓަރު އަބްދުލް މަތީން އެވެ. 

2000 އަށްވުރެ ބޮޑު އާބާދީއެއް ދިރިއުޅެމުން އަންނަ ނިލަންދޫގެ ނަރުދަމާ ނިޒާމަށް މައްސަލަ ދިމާވެ، އެކަން ހައްލުކުރުމުގެ މަސައްކަތް އެންމެ ފުރަތަމަ ކޮށްފައި ވަނީ 2017 ވަނަ އަހަރު ފެނަކަ ކޯޕަރޭޝަނާ ހަވާލުކޮށްގެންނެވެ. މަރާމާތުކުރުމާ ބެލެހެއްޓެމަށް އޭރު ފެނަކައާ ހަވާލުކޮށްފައިވާ މި މަސައްކަތް އެންމެ ރަނގަޅަށް ނުކުރެވި، އޭގެ ފަހުން ވެސް އެތައް މައްސަލައެއް ދިމާވަމުން އަންނަކަމަށް އެރަށު މީހަކު "ކުރިއަށް މީޑިއާ"އާ ހިއްސާކުރި އެވެ. 

ނިލަންދޫގެ ނަރުދަމާ ނިޒާމަށް ދިމާވެފައިވާ މައްސަލަ ހައްލުކުރުމުގެ މަސައްކަތް އެރަށު ކައުންސިލުން އެކި ފަހަރު މަތިން ކޮށްފައި ވެއެވެ. މީގެ ތެރެއިން ނަރުދަމާ ނިޒާމު މަރާމާތުކުރުމަށް ބޭނުންވާ ތަކެތި ކައުންސިލުގެ ހަރަދުގައި ހޯދައި، މި މަސައްކަތް ކޮށްދޭނެ ބަޔަކު ހޯދަން އިއުލާންކޮށްގެން މިކަން ކޮށްފައި ވެއެވެ. 

މަތީން ވިދާޅުވީ، ގާތްގަނޑަކަށް 18 އަހަރަށްވުރެ ދުވަސްވީ ނިލަންދޫގެ ނަރުދަމާގެ ނިޒާމަކީ ގާތްގަނޑަކަށް 15 އަހަރު ބޭނުންކުރުމަށް އަމާޒުކޮށްގެން ގާއިމްކޮށްފައިވާ "ވެކިއުމް ނަރުދަމާއެއް" ކަމަށެވެ. މީގެ ކުރިން ވެސް މި ނިޒާމު ބެލެހެއްޓުމަކީ ގޮންޖެހުންތައް ދިމާވި ކަމެއް ކަމަށާއި، މިކަމުގެ ހައްލަކީ ޒަމާނީ ފެންވަަރަށް "ގްރެވިޓީ" ނަރުދަމާ ނިޒާމެއް ޤާއިމްކުރުން ކަމަށް މަތީން ވިދާޅުވި އެވެ. 

"އެމްޑަބްލިއުއެސްސީ ހަވާލުކޮށްފައިވާ މަޝްރޫޢުގެ ދަށުން އަލަށް ޤާއިމްކުރާ ނިޒާމްގެ ޑިޒައިން މަސައްކަތް މިހާރުވަނީ ފެށިފަ. މިގޮތުން ޑިޒައިން މަސައްކަތް ކުރުމަށްޓަކައި ބޭނުންވާ ބިންތައް ކަނޑައެޅުމާއި، ލޭންޑް ސަރވޭ ހެދުމާއި، ޓޮޕޮގްރަފިކް ސަރވޭގެ މަސައްކަތް މިހާރުވަނީ ނިމިފަ. ޑިޒައިން ނިންމުމަށްފަހު ޔުޓިލިޓީ ރެގިޔުލޭޓަރީ އޮތޯރިޓީގެ ހުއްދަތަކާއި އީއައިއޭ ނިންމާ ޢަމަލީ މަސައްކަތް ރަށުގައި ފެށުމަށް ޝެޑިއުލްކުރެވިފައިވަނީ މެއި މަހުގެ ތެރޭގައި." މަތީން ވިދާޅުވި އެވެ. 

މިހާރު ރަށުގައި އަޅާފައިވާ ވެކިއުމް ނިޒާމްގެ ޚިދުމަތް މެދުނުކެނޑޭނެ ގޮތަކަށް މުޅިން އައު ގްރެވިޓީ ނިޒާމެއް ޤާއިމްކުރުމަކީ ގޮން ޖެހުންތަކަކާއި ކުރިމަތިވާނެ މަސައްކަތެއް ކަމަށް ވުމާއެކު އައު ނަރުދަމާ ނިޒާމުގެ މަސައްކަތް މުޅިން ނިންމާލެވޭނެ ކަމަށް ލަފާކުރެވެނީ އަންނަ އަހަރުގެ ތެރޭގައި ކަމަށް މަތީން ވިދާޅުވި އެވެ. 

މަތީން ވިދާޅުވި ގޮތުގައި އާ ނަރުދަމާގެ ނިޒާމް ގާއިމްކުރުމުގެ މަސައްކަތް ކުރި ނަމަވެސް، އަދިވެސް މިހާރު ގާއިމްކޮށްފައިވާ ނިޒާމް ބަލަހައްޓަމުން އަންނަނީ ފެނަކައިންނެވެ. މި މަސައްކަތް ފެނަކައާ ހަވާލުކޮށްގެން އަދިވެސް ކުރަނީ ނިލަންދޫގައި ގާއިމްކޮށްފައިވާ ނިޒާމަކީ އެ ކުންފުނީގެ ސްކޯޕްގެ ތެރެއަށް ފެތޭ ކަމަކަމަށް ނުވާތީ ކަމަށާއި، އެކުންފުނީގެ ސްކޯޕްގެތެރޭގައި ހިމެނެނީ ގްރެވިޓީ ނިޒާމު ގާއިމްކުރުން ކަމަށް އޭނާ ވިދާޅުވި އެވެ. 

 

 

ލިޔުން ޙިއްސާ ކުރައްވާ

0 ކޮމެންޓްސް, 0 ރިއެކްޝަންސް

Haha
Haha

0%

Love
Love

0%

Sad
Sad

0%

Like
Like

0%

Dislike
Dislike

0%

މަގުބޫލް ލިޔުންތައް

BREAKING: Rasdhoo gai kotari eh roave 2 meehaku fihijje

ރަސްދޫގައި ކޮޓަރިއެެއް ރޯވެ ދެ މީހަކު ފިހެއްޖެ

2

Fannuveri visnunthakaaeku ‘Kuriah’  launchkohfi

ފަންނުވެރި ވިސްނުންތަކާއެކު 'ކުރިއަށް' ލޯންޗުކޮށްފި

1

Neyvaa nulevigen aadheyskurumunves oxygen gulhainudhin, furaana ah nurakkave ventilatorah!

ނޭވާ ނުލެވިގެން އާދޭސްކުރުމުންވެސް އޮކްސިޖެން ގުޅައިނުދިން، ފުރާނައަށް ނުރައްކާވެ ވެއްޓިލޭޓަރަށް!

0

SR ge Bey; Amillavantha Music ge Baanee Akah

އެސްއާރުގެ ބޭ؛ އަމިއްލަވަންތަ މިއުޒިކްގެ ބާނީއަކަށް

0