މި އަހަރުގެ އެޕްރީލް މަހު ބާއްވާ ލޯކަލް ކައުންސިލް އިންތިހާބުގައި މާލެ ސިޓީގެ މޭޔަރު ކަމަށް އެމްޑީޕީގެ ފަރާތުން ވާދަކުރާ ޓިކެޓު މިހާރުގެ ވެސް މޭޔަރު އާދަމް އާޒިމް ކާމިޔާބުކުރެއްވުމާ ގުޅިގެން އޭނާ އަށް މުހައްމަދު ނަޝީދު މަރުހަބާ ވިދާޅުވެއްޖެ އެވެ.

އާދަމް އާޒިމް އިންތިހާބު ކާމިޔާބު ކުރެއްވީ އަލީ އަޒީމްއާ ވާދަކޮށެވެ. އިއްޔެ ބޭއްވި އެމްޑީޕީ ޕްރައިމަރީ ގައި އާޒިމް އަށް 1411 ވޯޓު ލިބިވަޑައިގެންނެވިއިރު އެއީ 57.9 ޕަސެންޓު ވޯޓެވެ. އަލީ އާޒިމްއަށް 962 ވޯޓު ލިބުނުއިރު އެއީ 39.5 ޕަސެންޓު ވޯޓެވެ. 

ބަލި ގަބޫލުކުރައްވައި އަލީ އާޒިމް ވަނީ ރޭ އާދަމް އާޒިމްއަށް ފޯނުން ގުޅުއްވައި، މަރުހަބާ ވިދާޅުވެފަ އެވެ. "އެމްޑީޕީއަށް އަބަދުވެސް ކާމިޔާބަށް އެދެން،" އަލީ އާޒިމްގެ ފޯނު ކޯލުގައި ވިދާޅުވި އެވެ.  އާދަމް އާޒިމް އެދިވަޑައިގެންނެވީ ކައުންސިލް އިންތިހާބު ކާމިޔާބުކުރުމަށް އޭނާއާ އެކުގައި އަލީ އާޒިމް މަސައްކަތްކޮށް ދެއްވުމަށެވެ.

އަލީ އާޒިމް އަށް ތާއިދުކުރެއްވި ނަޝީދު ''އެކްސް'' ގައި ކުރެއްވި ޕޯސްޓެއްގައި އެމަނިކުފާނު ވަނީ އާޒިމް ކުރެއްވި ހިތްވަރަށް މަރުހަބާ ވިދާޅުވެފަ އެވެ.