ހޮޅުދޫ ބޯޑުގައި ރޯވެ ގެއްލުނު އަލީ މުޝްފިގު މުހައްމަދު ޝަރީފް މަރުވި ކަމަށް ނިންމައި އޭނާގެ މައްޗަށް ގައިބަށް ކުރާ ކަށު ނަމާދު މާދަމާ ބާއްވަން ހަމަޖައްސައިފިއެވެ. 

މި ކަށުނަމާދު ކުރުމަށް ހަމަޖެހިފައިވަނީ މާދަމާ ހުކުރަށްފަހު ބިލާލް މިސްކިތުގައެވެ.

އާއިލާއިން ބުނެފައިވަނީ ވީހާވެސް ގިނަ ބަޔަކު ކަށުނަމާދުގައި ބައިވެރިވުމަށް އެދި ދަންނަވާކަމަށެވެ.

މީގެ އިތުރުން މުޝްފިގުގެ މަށްޗަށް ކުރެވޭ ކަމަށުނަމާދު ކުރުމަށް ހަމަޖެހިފައިވަނީ އަންހެނުންނަށްވެސް ބައިވެެރިވެވޭ ގޮތަށެވެ.

މިދިޔަ ހަފްތާގެ ބުދަ ދުވހުގެ ރޭ ހޮޅިދޫ ބޯޓު  މާލެއަށް ދަތުރުކުރަމުންދަނިކޮށް އެ ބޯޓުގައި އަލިފާން ރޯވެފައިވަނީ އެރޭ ގެ 09:02 ހާއިރު ކަނޑޫދޫ ކައިރިންނެވެ.  ބޯޑު އަޑިއަށް ގޮސްފައިވަނީ އެރޭގެ ދަށްވަރުއެވެ.  

އެމްއެންޑީއެފްގެ ކޯސްޓްގާޑް ޝިޕް ގާޒީ އާއި އެފްއައިސީ މާފަތް އަދި އެޗްޕީ 114 ޑައިވަރުންނާއި އެއަކޯގެ ޑްރޯން އަދި އެމްއެންޑީއެފްގެ ސެންޓްރަލް އޭރިއާގެ ކޮމާންޑުގެ ސިފައިން ގުޅިގެން ކަނޑުމަތިންނާއި ވައިގެ މަގުން މުޝްފިގް ހޯފުމަށް ކުރި މަސައްކަތްވެސް ވަނީ ނާކާމިޔާބުވެފައެވެ.