މި ސީޒަން ނިމުމުން ޖަރުމަނުގެ ގަދަ ބާރު، ބަޔާން މިއުނިކުން ތޯމަސް މުލާ ދޫކޮށްލަން ނިންމައިފިއެވެ.

މި ސީޒަން ނިމުމުން މުލާ ބަޔާންއާއެކު މިދިޔަ އަހަރު ހެދި އެއް އަހަރު ދުވަހުގެ ކޮންޓްރެކްޓް ހަމަވާނެއެވެ.

ނަމަވެސް 35 އަހަރުގެ މުލާ ބޭނުންވަނީ ބަޔާންގެ ކޮންޓްރެކްޓް އައުކޮށް އެ ޓީމުގައި މަޑުކުރާށެވެ.

މުލާ އަކީ އުމުރުން 10 އަހަރުގައި 2000 ވަނަ އަހަރު ބަޔާންގެ ޒުވާން ޓީމާ ގުޅުނު ކުޅުންތެރިއެކެވެ.

އުމުރުން 2008 ވަނަ އަހަރު އުމުރުން 18 އަހަރުގެ މުލާ ވަނީ ބަޔާންގެ ސީނިއާ ޓީމަށް ކުޅެން ފަށައި، އެ ޓީމުގެ މުހިންމު ތަނބަކަށް ވެފައެވެ.

މުލާ ބަޔާން އަށް ކުޅެދިން 17 އަހަރުގައި އޭނާ ވަނީ އެ ޓީމަށް 496 މެޗު ކުޅެދީ 150 ގޯލު ޖަހައިދީފައެވެ.

އޭނާ ވަނީ ބަޔާންގެ ޖާޒީގައި 32 ތަށި އުފުލާލައިފައެވެ. އޭގެ ތެރޭގައި 12 ޖަރުމަނު ލީގު ޝީލްޑް، 2 ޗެމްޕިއަންސް ލީގު ހިމެނެއެވެ.

ބަޔާނުން މުލާގެ ކޮންޓްރެކްޓް އާކުރަން ބޭނުން ނުވާއިރު، އޭނާއަށް ވަނީ އެމެރިކާގެ އެމްއެލްއެސް އިން އަދި ސައުދީގެ ކުލަބުތަކުން ފާރަލާންފަށައިފައެވެ.

މުލާ މިދިޔަ އަހަރު ވެސް ބަޔާންގެ ކޮންޓްރެކްޓް އައުކުރީ ސައުދީ ލީގެ ކުލަބުތަކެއްގެ ހުށަހެޅުން ލިބިފައި އޮށްވައި، ބަޔާންގައި މަޑުކުރަން ބޭނުންވާތީއެވެ.