މިއަދު ރާއްޖޭގެ އެކި ކަންކޮޅުތަކަށް މޫސުން ގޯސްވާނެތީ ކަނޑު ދަތުރު ކުރުމާއި އެއްގަމު ދަތުރުކުރުމުގައި ވެސް ސަމާލުވުމަށް ދިވެހި ފުލުހުންގެ ހިދުމަތުން އިލްތިމާސްކޮށްފި އެވެ.

ކަނޑު ދަތުރުކުރާ ފަރާތްތަކުން ސަމާލުވުމަށް އިލްތިމާސްކުރި ކަންކަމަކީ:

• މޫސުމާ ބެހޭ އެންމެ ފަހުގެ މައުލޫމާތު ހޯދުމާއި މޫސުމީ ސަމާލުތަކާ އެއް ގޮތަށް އަމަލުކުރުން
• އުޅަނދަށް ކަނޑައަޅާފައިވާ އަދަދަށް ވުރެ އިތުރަށް މީހުންނާއި މުދޭ ނޭރުވުން
• ޒަރޫރީ ބޭނުންތަކަށް ފިޔަވައި އެހެން ދަތުރުތައް ނުކުރުން
• އުޅަނދުގައި ސަލާމަތީ ގޮތުން ފުރިހަމަ ކުރަން ޖެހޭ ކަންކަން ފުރިހަމަކުރުން
• އުޅަނދުން ދަތުރުކުރާ އެންމެން ވެސް ލައިފްޖެކެޓް އަޅައިގެން ތިބުން
• އެމަޖެންސީ ހާލަތުގައި ގުޅާނެ ނަންބަރުތައް ފެންނާނެހެން އުޅަނދުގައި ބެހެއްޓުން

އެއްގަމު ދަތުރުކުރުމުގައި ސަމާލުވުމަށް އިލްތިމާސްކުރި ކަންކަމަކީ:

• ކޮންޓްރޯލްކުރެވޭ މިންގަނޑެއްގައި އުޅަނދު ދުއްވުން
• ވިއްސާރާގައި އުޅަނދު ދުއްވާއިރު ހެޑްލައިޓް ދިއްލުން
• ވަޔާއެކު ހަލާކު ނުވާނެ ފަދަ ވިއްސާރަ ކޯޓު ބޭނުންކުރުން
• ބުރުގާ އަޅާ މީހުުން ވަޔާއެކު ބުރުގާ މޫނުމައްޗަށް ނުދާނޭހެން ބެހެއްޓުން
• އުޅަނދު ދުއްވާއިރު ހިނގާ މީހުންނަށް ސަމާލުކަމެއް ދިނުން
• ސައިކަލް ދުއްވާއިރު ކުޑަ ބޭނުން ނުކުރުން