ރާއްޖޭގެ ގައުމީ ޔުނިވަރސިޓީ (އެމްއެންޔޫ) ގައި ބަންގްލާ ބަސް ކިޔަވައިދިނުމުގެ ކޯސްތައް ތައާރަފްކުރުމުގެ ޝައުގުވެވެރިކަން ފާޅުކޮށްފި އެވެ.

ބަންގްލަދޭޝުން ރާއްޖެއަށް ކަނޑައަޅުއްވާފައި ހުންނަވާ ސަފީރު ޑރ މުހައްމަދު ނަޒްމުލް އިސްލާމް ވަނީ  އެމްއެންޔޫގެ ވައިސް ޗާންސެލާ ޑރ އާއިޝަތު ޝެހެނާޒް އާދަމްއާ އިއްޔެ ބައްދަލުކުރައްވާފަ އެވެ.

އެ ބައްދަލުވުމުގައި ޝެހެނާޒް ވަނީ ބަންގްލަދޭޝްގެ ޔުނިވާސިޓީތަކާއި އަދި މަތީ ތައުލީމު ކިޔަވައިދޭ މަރުކަޒުތަކާ ދެމެދު މައުލޫމާތު ބަދަލުކުރުމާއި ސެމިނާތައް ބޭއްވުމުގެ ޝައުގުވެރިކަން ފާޅުކޮށްފަ އެވެ. 

މީގެ އިތުރުން ރާއްޖޭގެ ފަތުރުވެރިކަމުގެ ސިނާޢަތުގައި މަސައްކަތްކުރާ ބިދޭސީންނަށް ދިމާވާ ގޮންޖެހުންތަކާ ގުޅޭގޮތުން އެމްއެންޔޫއިން ކުރަމުންދާ ދިރާސާތަކުގެ މައްޗަށް އަލިއަޅުވާލާފަ އެވެ. އެއަށް ފަހު އެމްއެންޔޫގައި ބަންގާޅު ބަހުގެ ކޯސްތައް ތައާރަފްކުރުމާ ގުޅޭ ގޮތުން ޝެހެނާޒް ޝައުގުވެރިކޮށް ފާޅުކުރި އެވެ.

އެ ބައްދަލުވުމުގައި، ބަންގްލަދޭޝްގެ ސަފީރު ވަނީ އެމްއެންޔޫ އާއި ބަންގްލަދޭޝްގެ ޔުނިވާސިޓީތަކާ ދެމެދު މެމޮރެންޑަމް އޮފް އަންޑަސްޓޭންޑިން (އެމްއޯޔޫ) ގައި ސޮއިކުރުމުގެ މުހިންމުކަން ފާހަގަކުރައްވާފަ އެވެ.

އެމްއެންޔޫއިން އެދުނު ކަންކަމަށް ހައިކޮމިޝަންގެ ފުރިހަމަ އެއްބާރުލެއްވުންދޭނެ ކަމުގެ ޔަގީންކަން ސަފީރު ދެއްވި އެވެ.