މޯލްޑިވްސް މީޑިއާ ކައުންސިލް (އެމްއެމްސީ)ގެ ހުސްވެފައިވާ މެންބަރު ކަމަށް ކުރިމަތިލުމުގެ ފުރުސަތު ހުޅުވާލައިފިއެވެ.

އެމްއެމްސީގެ މެމްބަރެއްގެ ގޮނޑި ހުސްވީ، އެ ކައުންސިލްގެ މެންބަރު ހުސައިން ހަސަން މިދިޔަ ހަފްތާގައި އެ މަގާމުން އިސްތިއުފާ ދެއްވުމުންނެވެ. ހުސެއިން އެމްއެމްސީން އިސްތިއުފާދެއްވީ، ގއ. ވިލިނގިލީ ދާއިރާގެ އެމްޑީޕީގެ ރައީސް ހޮވުމަށް ބޭއްވި އިންތިހާބު އޭނާއަށް ކާމިޔާބުވުމުންނެވެ. 

އެމްއެމްސީން ވަނީ، ހުސައިންގެ ހުސްވި ގޮނޑިއަށް މީޑިއާތަކުން މެންބަރަކު އިންތިހާބުކުރުމަށް ހުޅުވާލައި އެކަމަށް ޝައުގުވެރިވާ ނޫސްވެރިން މި މަހުގެ 18 ވަނަ ދުވަހުގެ ރަސްމީ ގަޑި ނިމުމުގެ ކުރިން އެ ކަމަށް އެދި ފޯމު ހުށަހަޅަން އެދިފައެވެ. 

އެ ފޯމާއެކު ހުށަހަޅަންޖެހޭ ތަކެތި [email protected] މެއިލް ކުރުމަށް ވެސް ވަނީ އެދިފަ އެވެ.

އެމްއެމްސީ އެކުލެވިގެން ވަނީ މީޑިއާގެ އިދާރާތައް ތަމްސީލުކުރާ އަށް މެންބަރުންނާއި އާންމުންގެ ތެރެއިން އިންތިހާބު ކުރާ ހަތް މެންބަރުންނާއެކު ޖުމުލަ 15 މެންބަރުންގެ މައްޗަށެވެ.