މިދިޔަ މަހު އެކަނިވެސް ވޭޕްއާ ގުޅުންހުރި މައްސަކަތަކުގެ ޖޫރިމަނާގެ ގޮތުގައި 226،000 ރުފިޔާ ދައުލަތުން ހޯދައިފި އެވެ. 

ފުލުހުން އާންމުކޮށްފައިވާ ތަފާސްހިސާބުތަކުން ދައްކާގޮތުން ވޭޕްގެ މައްސަލާގައި އޮކްޓޫބަރު މަހު 35 މީހަކު ޖޫރިމަނާކޮށްފައިވެ އެވެ. 

ފުލުހުންނަށް މިދިޔަ މަހު ރިޕޯޓްކޮށްފައިވާ ވޭޕްއާ ގުޅުންހުރި 25 މައްސަލައިގެ ތެރޭގައި ހިމެނެނީ، ވޭޕް ބޭނުންކުރުމުގެ 5 މައްސަލަ، ވޭޕް ގަނެ ވިއްކުމުގެ 2 މައްސަލަ، ވޭޕް ގެންގުޅުނުކަމުގެ 15 މައްސަލައެއްގެ އިތުރުން ވޭޕާ ގުޅުންހުރި އެހެނިހެން 3 މައްސަލައެކެވެ.

ފުލުހުންގެ ތަފާސްހިސާބުތަކުން ދައްކާގޮތުން، ވޭޕް ބޭނުންކުރި މައްސަލަތަކުގެ ހިމެނޭ ފަރާތްތަކުގެ ޖޫރިމަނާގެ ޖުމްލަ 104،000ރ އަރައެވެ.

އަދި ވޭޕް ގެންގުޅުނު މައްސަލަތަކުގެ ޖޫރިމަނާއަށް 97،000ރ  އެވެ. އަދި ވޭޕް ގަނެ ވިއްކުމުގެ މައްސަލާގައި 20،000ރ ޖޫރިމަނާއެއް އަދި ވޭޕާ ގުޅޭ އެހެނިހެން މައްސަލަތަކުގައި 5،000ރ ޖޫރިމަނާއެއް ވަނީ ކޮށްފަ އެވެ.