މާލެ، ސިނަމާލެ ބްރިޖު އަދި ހައިވޭގައި މިދިޔަ ހަފުތާގައި 67 އެކްސިޑެންޓް ހިނގާފައިވާ ކަމަށް ފުލުހުންގެ ތަފާސް ހިސާބުތަކުން ދައްކައިފި އެވެ.

ފުލުހުން މިއަދު އާންމުކޮށްފައިވާ ތަފާސް ހިސާބުތައް ދައްކާ ގޮތުން މި ހިނގާ ޖެނުއަރީ މަހުގެ 4 ވަނަ ދުވަހުން 10 ވަނަ ދުވަހަށް މާލޭގައި 56 އެކްސިޑެންޓް ހިނގާފައިޗެ އެވެ.  އަދި ބްރިޖާއި ހައިވޭގައި 11 އެކްސިޑެންޓް ހިނގާފައިވެ އެވެ.

އެ އެކްސިޑެންޓްތަކުގައި 87 ވެހިކަލަށް އެކިވަރުގެ ގެއްލުން ލިބުނުއިރު 5 މީހަކަށް އަނިޔާވެފައިވާ ކަމަށާއި، 
އެކްސިޑެންޓްތަކުގެ ތެރެއިން 46 އެކްސިޑެންޓް ހިނގީ ދުވާލު ކަމަށް ފުލުހުން ބުންޏެވެ. 

ފުލުހުން ބުނީ 21 އެކްސިޑެންޓް ހިނގީ ރޭގަނޑުގައި ކަމަށާއި، އެކްސިޑެންޓްތަކުގެ ތެރެއިން 19 އެކްސިޑެންޓް ހިނގީ ސައިކަލާއި ސައިކަލު ޖެހިގެން ކަމަށެވެ.

އަދި 19 އެކްސިޑެންޓެއް ހިނގީ ސައިކަލާއި ކާރު ޖެހިގެންނެވެ.