މިއަދާއި މާދަމާ ވެލާނާ އިންޓަނޭޝަނަލް އެއާޕޯޓަށް ދަތުރުކުރާ ބޭފުޅުން ފުލުހުންގެ އިރުޝާދުތަކަށް ސަމާލުވުމަށް ފުލުހުންގެ އިދާރާއިން އިލްތިމާސް ކޮށްފިއެވެ. 

ފުލުހުން އެކްސްގައި ރޭ އާންމުކުރި ޕޯސްޓެއްގައި ބުނެފައިވަނީ މިއަދާއި މާދަމާ އަކީ، ގިނަ އަދަދެއްގެ އުމްރާވެރިން އެއާޕޯޓަށް ޒިޔާރަތްކުރާނެ ދުވަހެއް ކަމަށާއި، އަދި ފިތުރު އީދު ބަންދުވުމާ ގުޅިގެން ރަށްރަށަށް ދަތުރުކުރި ފަރާތްތަކުން އަނބުރާ މާލެ އަންނާނެ ދެ ދުވަސް ކަމަށެވެ.

މިއާއެކު ވެލާނާ އިންޓަނޭޝަނަލް އެއަރޕޯޓަށް ޒިޔާރަތްކުރާ ފަރާތްތަކުގެ އަދަދު އިތުރުވުމުގެ ސަބަބުން މި ދެ ދުވަހު އެއާޕޯޓުގެ ޓްރެފިކް ފްލޯއަށް ބާރު ބޮޑުވާނެކަމަށް ފުލުހުން އާންމުކުރި ޕޯސްޓަގައި ބުނެފައިވެއެވެ.

އެހެންކަމުން ފުލުހުންވަނީ މި ދެ ދުވަހު އެއާޕޯޓަށް ދަތުރުކުރާ އެއްގަމު އުޅަނފުފަހަރު ދުއްވާ ފަރާތްތަކުން، ދިވެހި ފުލުހުން ދޭ އިރުޝާދުގެ ދަށުން އަމަލުކުރުމަށް ދަންނަވާފައެވެ.