މިދިޔަ އަހަރެކޭ އެއްގޮތަށް މި އަހަރުވެސް ބަރަކާތްތެރި ފިތުރުއީދު ދުވަހު ރައީސް ޑރ. މުހައްމަދު މުޢިއްޒު އާއި އެ މަނިކުފާނުގެ އަނބިކަނބަލުން މެޑަމް ސާޖިދާ އިބްރާހީމް އީދު ސަލާންކުރުން އޮންނާނެކަމަށް ރައީސް އޮފީހުން ބުނެފިއެވެ.

ރައީސް އޮފީހުން ބުނީ މި އަހަރުގެ ފިތުރު އީދު ދުވަހުގެ އީދު ސަލާން ކުރެއްވުން ބޭއްވުމަށް ހަމަޖައްސާފައިވަނީ އެ ދުވަހުގެ ހެނދުނު 9:00 އިން 11:00 އަށް ކަމަށެވެ.

އީދު ސަލާމުގައި ބައިވެރިވުމަށް ރައްޔިތުންނަށް ރައީސް ދައުވަތު އަރުވާފައިވާ ކަމަށްވެސް ރައީސް އޮފީހުން ބުންޏެވެ.

މީގެ އިތުރުން ދައުލަތުގެ އެކި މަގާމުތަކުގައި ތިއްބެވި ބޭފުޅުންނާއި ބޭރުގެ އިއްޒަތްތެރިންނާއި ރާއްޖޭގެ އެކި ކުންފުނިތަކާއި އަމިއްލަ އެކިއެކި ޖަމިއްޔާ ޖަމާއަތްތަކަށްވެސް ރައީސްގެ ދެކަނބަލުން ދައުވަތު އަރުވާފައިވާކަމަށް ރައީސް އޮފީހުން ބުންޞެވެ. 

އީދު ސަލާމްކުރެއްވުމަށް އަންނަ ފަރާތްތަކަށް މުލީއާގެއަށް ވަދެވޭނީ ޝަހީދު އަބްދުلله ޒުހައިރު ހިނގުމުން މެދު ޒިޔާތްމަގުން މުލީއާގޭ ބޮޑު ދޮރޯށިނެވެ.